ព័ត៌មានជាតិ
អតីតកូនសិស្សអ្នកនិពន្ធខ្មែរ ទទួលជោគជ័យលើអាជីពបានពីការតស៊ូរាប់ឆ្នាំ
ដោយសារភាពតស៊ូអំណត់ក្នុងវិស័យតែងនិពន្ធ ពេលនេះក្ដីស្រមៃរបស់លោក ទី ធាវី ក្លាយជាការពិត និងទទួលជោគជ័យគួរកោតសរសើរ ព្រោះតែការប្រឹងប្រែងតស៊ូអស់រយៈកាលកន្លងមក។
លោក ទី ធាវី កំពុងធ្វើឲ្យសុបិនរបស់ខ្លួនពីមុនមកជាការពិត ដោសារការប្រឹងប្រែងលើការតែងនិពន្ធដែលធ្លាប់ឆ្លងកាត់សិក្សានៅសមាគមអ្នកនិពន្ធខ្មែរនៅអាគារ អ្នកនិពន្ធហ៊ុនសែន ក្នុងវត្តបទុមវតី ជំនាន់ទី ២៣ ហើយពេលនេះលោកក៏ជាចាងហ្វាងស្ទូឌីយោ (icene)ផងដែរ។
លោកបានឲ្យដឹងថា ចំពោះភាពជោគជ័យលើអាជីពជាប្រធានផលិតកម្ម(icene)សុទ្ធសឹងតែបានមកពីការតស៊ូ តាំងពីបាតដៃទទេ ដោយសារលោកធ្លាប់ឆ្លងកាត់ការធ្វើការឲ្យទស្សនាវដ្តី និងផលិតកម្មមួយចំនួន។ ទាំងនេះជាបទពិសោធន៍មួយបង្រៀនលោកឲ្យចេះដឹងផ្នែកនិពន្ធ ធ្វើបទភ្លេង និងសរសេរបទចម្រៀង។ លោកថា ទម្រាំបានលុយមួយចំនួនយកមកបើកផលិតកម្ម(icene)ដោយខ្លួនឯង វាជាការប្រឹងប្រែងដែលបានមកពីការសន្សំតក់ៗពេញបំពង់អស់ពេលជាយូរ។
ចាងហ្វាងថ្មីរូបនេះ រៀបរាប់ទៀតថា ពេលនេះលោកកំពុងធ្វើការឲ្យក្រុមហ៊ុនមួយដោយបានប្រាក់កម្រៃមួយចំនួនដើម្បីយកមកជួយផលិតកម្ម(icene) ព្រោះវាជាការស្រឡាញ់និងចូលចិត្តនូវវប្បធម៌ប្រពៃណីរបស់ជាតិយើង ។ ទោះជាមានផលិតកម្មខ្លះ កំពុងដួលទៅហើយក្តី តែសម្រាប់លោកនៅតែតស៊ូ ក្រាញ ននាលធ្វើវាដើម្បីបញ្ជាក់ថា នេះជាការស្រឡាញ់ពិតចេញពីបេះដូងអ្នកនិពន្ធ ។ លោកបន្តថា “ខ្ញុំខំរិះរក ច្នៃប្រតិដ្ឋ លើផ្នែកនិពន្ធ ទំនុកភ្លេង និងតែងបទចម្រៀងថ្មីៗដែលជារបស់ខ្មែរពិតៗដោយមិនធ្វើចម្រៀងដែលលួចចម្លងពីគេនោះទេ ហើយខ្ញុំក៏មានក្រុមអ្នកតារាចម្រៀងប្រុសស្រីដែលជាពន្លកថ្មីសម្រាប់ច្រៀងអប់រំដល់សង្គមជាតិនិងយុវវ័យក្នុងទិសដៅអប់រំដល់សង្គមទៀតផង”។
នាពេលកន្លងមក លោក ទី ធាវី ធ្លាប់ទទួលជយលាភីជាច្រើនក្នុងចំណោមមនុស្សរាប់រយនាក់នៅប៉ុស្តិ៍អាស៊ីលើផ្នែកនិពន្ធបទភ្លេង និងចម្រៀង ព្រមទាំងទទួលជយលាភីអក្សរសិល្ប៍មួយចំនួនទៀត។ ចំណុចដែលសំខាន់របស់អ្នកនិពន្ធរូបនេះគឺ កំឡុងឆ្នាំ ២០១៨ លោកធ្លាប់ទទួលជយលាភីពីសម្ដេចអគ្គមហាសេនាបតីតេជោហ៊ុនសែន ក្នុង “ទិវាវប្បធម៌ថ្នាក់ជាតិ” ផងដែរ។
ក្នុងនាមជាអ្នកនិពន្ធលោកថា “យើងត្រូវតែមានគំនិតតែងនិពន្ធ និងធ្វើបទចម្រៀងថ្មីៗដែលជាស្នាដៃរបស់កូនខ្មែរពិតៗ មិនចម្លងពីគេសម្រាប់យើងទាំងអស់គ្នា សម្រាប់សង្គមជាតិ និងអប់រំដល់យុវវ័យជំនាន់ក្រោយផងដែរ”៕
អត្ថបទ៖ រុងរឿង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ