មន្ទីរអប់រំ ខេត្តរតនគិរី អំពាវនាវឲ្យអ្នកដែលប្រឡងបាក់ឌុបធ្លាក់ រូតរះទៅដាក់ពាក្យប្រឡងស្វៃរិន

ជាឱកាសសម្រាប់សិស្ស និងអ្នកដែលប្រឡងធ្លាក់សញ្ញាបត្រមធ្យមសិក្សាទុតិយភូមិ ដែលមិនបានជាប់សញ្ញាបត្រថ្នាក់ទី១២ មន្ទីរអប់រំខេត្តរតនគិរី បានធ្វើការជូនដំណឹងឲ្យ ទៅដាក់ពាក្យសុំប្រឡង យកសញ្ញាបត្រឡើងវិញ។ សម្រាប់ការដាក់ពាក្យ អាចទៅស្វែងរកទម្រង់បំពេញពាក្យ នៅការិយាល័យមធ្យមសិក្សាចំណេះទូទៅរៀងរាល់ម៉ោងធ្វើការ រួចបំពេញជីវប្រវត្តិនិងភ្ជាប់ជាមួយឯកសារមួយចំនួន។  

សម្រាប់ឯកសារដែលត្រូវភ្ជាប់មកមានដូចជា៖

១- វិញ្ញាបនបត្របណ្តោះអាសន្នមធ្យមសិក្សាបឋមភូមិ (ថតចម្លង) ចំនួន ០១ សន្លឹក

២- វិញ្ញាបនបត្របញ្ចប់ការសិក្សាថ្នាក់ទី១២ (ថតចម្លង) ចំនួន ០១ សន្លឹក

៣- សេចក្តីចម្លងសំបុត្របញ្ជាក់កំណើត ឬសំបុត្របញ្ជាក់កំណើត (ថតចម្លង) ចំនួន ០១ សន្លឹក

៤- បង្កាន់ដៃបងសិទ្ធិប្រឡង ចំនួន ០១ សន្លឹក

៥- រូបថត Digital ចំនួន ០១ សន្លឹក

ការរៀបឯកសារដូចខាងលើ បានគ្រប់ហើយត្រូវយកទៅដាក់នៅ មន្ទីរអប់រំខេត្តរតនគិរី នៅរៀងរាល់ថ្ងៃម៉ោងធ្វើការ ។ ចាប់ទទួលពាក្យពីថ្ងៃ ការផ្តល់ពាក្យចាប់ពី ថ្ងៃទី ០៣ ខែ មីនា ឆ្នាំ២០២៥ ឈប់ទទួលពាក្យនៅ ថ្ងៃទី ២៦ ខែ មីនា ឆ្នាំ២០២៥ ។ មណ្ឌលប្រឡងនៅវិទ្យាល័យភូមិថ្មី ខេត្តរតនគិរី ។

សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥ នឹងប្រព្រឹត្តទៅនៅថ្ងៃទី១៨ ខែសីហា ឆ្នាំ២០២៥៕

ដោយ៖ ខៀវ ចាប