សម្ដេចធិបតីលើកឡើងពីការទទួលខុសត្រូវ៣ចំពោះប្រជាជន

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានលើកឡើងពីគោលការណ៍ទទួលខុសត្រូវធំ៣របស់រដ្ឋាភិបាលចំពោះប្រជាពលរដ្ឋគឺ ធានាពីសុខភាពរបស់ពលរដ្ឋ ធានាពីចំណេះដឹង និងខិតខំស្វែងរកការងារជូនពលរដ្ឋដើម្បីចិញ្ចឹមនូវជីវិតបាន។ សម្ដេចលើកឡើងបែបនេះក្នុងពេលសម្ពោធអគារសិក្សា អគារស្នាក់នៅរបស់គ្រូបង្រៀន និងអគារទីចាត់ការនៅវិទ្យាល័យ ហ៊ុន សែន វាលរេញ ក្នុងខេត្តព្រះសីហនុ ព្រឹកថ្ងៃទី២៦ ខែមីនា ឆ្នាំ២០២៥នេះ.

សម្ដេចធិបតី ហ៊ុន ម៉ាណែត បាន​ថ្លែងថាពន្យល់ថារដ្ឋាភិបាលជាច្រើនអាណត្តិមកហើយបានដាក់គោលនយោបាយអាទិភាពដែលផ្ដោតលើសុខភាពដែលបានរៀបចំជាបន្តបន្ទាប់ធានានូវប្រព័ន្ធសមធម៌សង្គម បង្កើតគោលនយោបាយបណ្ដុះបណ្ដាលវិជ្ជាជីវៈដោយឥតគិតថ្លៃ ពង្រឹងនូវគុណភាពអប់រំដល់ពលរដ្ឋ ព្រមទាំងបង្កើតពង្រីកវិសាលាភាពការងារដែលល្អ និងមានលក្ខខន្តល្អជូនពលរដ្ឋផងដែរ។

ជាមួយគ្នានឹងការធានានេះសម្ដេចក៏បញ្ជាក់ថារដ្ឋាភិបាលត្រូវតែធានាបន្ថែមទៀតនូវលំនឹងសន្ដិសុខ ស្ថេរភាព សន្ដិភាពសង្គម​ជូនដល់ប្រជាពលរដ្ឋផងដែរ ធ្វើយ៉ាងណាឱ្យប្រជាពលរដ្ឋត្រូវរស់នៅក្នុងសង្គមបានស្រួល៕

អត្ថបទដោយ ហ៊ុន សិរីវឌ្ឍន៍