ព័ត៌មានជាតិ

ខេត្តបាត់ដំបង ជំរុញបញ្ចប់ការវាស់វែងដីធ្លីឲ្យរួចជាស្ថាពរនៅបំណាច់ខែមិថុនានេះ

បានផុស

១ year មុន

នៅ

ថ្ងៃសុក្រ ២៣ ឧសភា ២០២៥

ដោយ

ខេត្តបាត់ដំបង បានប្រកាសថានឹងជំរុញការចុះបញ្ជីដីធ្លីបង្ហើយ ដោយគ្រោងឲ្យបញ្ចប់ទាំងស្រុងនៅបំណាច់ខែមិថុនានេះ មុនផែនការដែលបានគ្រោងទុក។

គោលនយោបាយកចុះបញ្ជីដីបង្ហើយ គឺដើម្បីផ្ដល់កម្មសិទ្ធិស្របច្បាប់ក្នុងការកាន់កាប់អចលនវត្ថុជូនដល់ប្រជាពលរដ្ឋ និងបញ្ចប់ភាពចម្រូងចម្រាស់នានាក្នុងសង្គមជាតិ ដែលកើតចេញពីភាពមិនច្បាស់លាស់នៃម្ចាស់កម្មសិទ្ធិ និងភាពស្រពិចស្រពិលនៃព្រំដី រួមទាំងការធានាបាននូវការផ្ដល់សេវាសាធារណៈលឿនរហ័ស និងតម្លាភាព គួរជាទីគាប់ចិត្តរបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជរដ្ឋាភិបាលនីតិកាលទី ៧ កំពុងជំរុញបញ្ចប់ការវាស់វែងដីធ្លីនៅទូទាំងប្រទេសឲ្យរួចទាំងស្រុងនៅត្រឹមឆ្នាំ ២០២៥ ដោយបង្កើនកញ្ចប់ថវិកាប្រមាណ ១០០ លានដុល្លារ ជាមួយការប្រើប្រាស់កម្លាំងសរុបដល់ជាង ៥ ០០០នាក់ ធ្វើយ៉ាងណាពន្លឿនការវាស់វែងការចុះបញ្ជីដីធ្លីមានលក្ខណៈជាប្រព័ន្ធឲ្យបញ្ចប់ទៅតាមផែនការ។

ថ្លែងនៅក្នុងពិធីប្រកាសខេត្តកំពង់ចាម ជាខេត្តដំបូងគេដែលបានបញ្ចប់ការវាស់វែងដីធ្លីមានលក្ខណៈជាប្រព័ន្ធ នាយករដ្ឋមន្រ្តីកម្ពុជាសម្តេចធិបតី ហ៊ុន ម៉ាណែត បានគូសបញ្ជាក់ថា ការខិតខំបញ្ចប់ការវាស់វែងដីធ្លីនៅទូទាំងប្រទេស ដើម្បីឈានកាត់បន្ថយបញ្ហាទំនាស់ ដែលនឹងរួមចំណែកដល់ការពង្រឹងយុត្តិធម៌ និងស្ថេរភាពសង្គម ចូលរួមលើកកម្ពស់ដល់ការអភិវឌ្ឍជីវភាពពលរដ្ឋឲ្យប្រសើរឡើង៕