ព័ត៌មានជាតិ

បុគ្គលិកអប់រំនៅភ្នំពេញជិត២៨០០០នាក់នឹងទទួលបានការចាក់វ៉ាក់សាំងស៊ីណូវ៉ាក់នៅថ្ងៃស្អែក

បានផុស

៤ years មុន

នៅ

ថ្ងៃពុធ ៣១ មីនា ២០២១

ដោយ

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានមានប្រសាសន៍នៅរសៀលថ្ងៃទី៣១មីនានេះថា នៅរាជធានីភ្នំពេញមានបុគ្គលិកអប់រំនិងបុគ្គលិកអប់រំក្រោមឱវាទទីស្តីការក្រសួងសរុបប្រមាណជិត២៨០០០នាក់ នឹងទទួលបានការវ៉ាក់សាំងចាក់ស៊ីណូហ្វាមនៅតាមទីតាំងចំនួន១៥កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងចំណោមបុគ្គលិកអប់រំជិត២៨០០០នាក់នោះ ជាបុគ្គលិកនៅមន្ទីរអប់រំមានចំនួន២៤៦៤៧នាក់ ស្រី១៤៥០៥នាក់ ក្នុងនោះមានបុគ្គលិកក្រុមខណ្ឌរដ្ឋចំនួន១០៥៧៩នាក់និងបុគ្គលិកអប់រំក្រោមឱវាទទីស្តីការក្រសួងអប់រំមានជាង៣០០០នាក់។

គណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខ័ណ្ឌទូទាំងប្រទេស(គ.វ.ក១៩)នឹងបើកយុទ្ធនាការចាក់វ៉ាក់សាំងស៊ីណូវ៉ាក់ចាប់ពីថ្ងៃទី០១ ខែមេសា ឆ្នាំ២០២១តទៅលើក្រុមគោលដៅចំនួន៨ក្រុម ដែលមានមនុស្សប្រមាណជាង៧៤ម៉ឺននាក់សម្រាប់ដូសទី១។ ក្រុមមនុស្សដែលត្រូវចាក់វ៉ាក់សាំងស៊ីណុវ៉ាក់នេះ មានចំនួន៨ គឺទី១.ក្រុមគ្រូពេទ្យបុគ្គលិកនិងមន្ត្រីសុខាភិបាលជួរមុខសេវារដ្ឋនិងសេវាសុខាភិបាលឯកជនស្របច្បាប់ដែលបញ្ជីឈ្មោះត្រឹមត្រូវបានផ្ញើមកគណៈកម្មការឬទៅមន្ទីរសុខាភិបាលរាជធានីខេត្តរួចហើយទាំងថ្នាក់ជាតិនិងក្រោមជាតិ ដែលពុំទាន់បានចាក់ពីមុន។ ទី២.រដ្ឋសភាព្រឹទ្ធសភានិងក្រុមគ្រួសារ ទី៣.អ្នកសារព័ត៌មានដែលមិនទាន់បានចាក់ពីមុនទី៤.កងកម្លាំងនិងមន្ត្រីមូលដ្ឋានគ្រប់លំដាប់ថ្នាក់ដែលពុំទាន់បានចាក់ពីមុនទី៥. មន្ត្រីរាជការស៊ីវិលរួមទាំងបុគ្គលិកកិច្ចសន្យាទាំងអស់នៅគ្រប់ក្រសួងស្ថាប័ននៅថ្នាក់ជាតិនិងថ្នាក់ក្រោមជាតិរួមទាំងសាស្ត្រាចារ្យគ្រូបង្រៀន នៅតាមគ្រឹះស្ថានបណ្តុះបណ្តាលនានាទូទាំងប្រទេស។ ទី៦.បុគ្គលិកមន្ត្រីបម្រើការនៃអគ្គិសនីកម្ពុជាទូទាំងប្រទេសនៃអាជ្ញាធរជាតិទាំងអស់នៃគណៈមេធាវីនៃសាលាក្តីខ្មែរក្រហមនៃលេខាធិការដ្ឋានអាកាសចរណ៍ស៊ីវិលនិងក្រុមហ៊ុនអាកាសចរណ៍នានាទី៧.ក្រុមហ៊ុនរ៉ូយ៉ាល់គ្រុប កាណាឌីយ៉ាគ្រុបនិងទី៨.កម្មករកម្មការិនីនៅតាមរោងចក្រមួយចំនួនដែលសម្របសម្រួលរៀបចំដោយក្រសួងការងារនិងបណ្ដុះបណ្ដាលវិជ្ជាជីវៈដែលបានផ្ញើជូនមកគណៈកម្មការរួចហើយ។