ព័ត៌មានជាតិ

រដ្ឋបាលខណ្ឌកំបូល សហការជាមួយក្រសួងការងារ ស្វែងរកឱកាសការងារ និងប្រគល់អំណោយដល់ពលករមកពីថៃ

បានផុស

១១ ខែ មុន

នៅ

ថ្ងៃព្រហស្បតិ៍ ១៤ សីហា ២០២៥

ដោយ

កាលពីព្រឹកថ្ងៃទី ១៤ ខែសីហា ឆ្នាំ ២០២៥ នេះ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានដឹកនាំក្រុមការងារចូលរួមសម្របសម្រួលជាមួយតំណាងក្រសួងការងារ និងបណ្ដុះបណ្ដាលវិជ្ជាជីវៈ និងទីភ្នាក់ងារជាតិមុខរបរ និងការងារ ក្នុងការស្វែងរកឱកាសការងារជូនពលករត្រឡប់មកពីប្រទេសថៃ និងប្រជាពលរដ្ឋមកពីបណ្ដាខេត្ត ដែលកំពុងស្វែងរកការងារនៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះ ក្រុមការងារ បាននាំយកគ្រឿងឧបភោគបរិភោគដែលជាអំណោយរបស់ លោក ឃួង ស្រេង អភិបាល នៃគណៈអភិបាលរាជធានីភ្នំពេញ ប្រគល់ជូនដល់ពលករ និងប្រជាពលរដ្ឋ ដើម្បីចូលរួមសម្រួលការលំបាកជីវភាព និងជាការលើកទឹកចិត្តក្នុងការបន្តប្រកបមុខរបររកស៊ី និងរស់នៅប្រកបដោយសុខសុវត្ថិភាព។

សកម្មភាពនេះ បានបង្ហាញពីការប្ដេជ្ញាចិត្តរឹងមាំរបស់រាជរដ្ឋាភិបាល ក្នុងការអនុវត្តគោលនយោបាយការងាររបស់ពលករដែលត្រឡប់មកពីប្រទេសថៃ ព្រមទាំងការយកចិត្តទុកដាក់លើសុខុមាលភាពរបស់ប្រជាពលរដ្ឋ ដោយបន្តពង្រឹងការសហការអង្គភាពរដ្ឋ និងស្ថាប័នពាក់ព័ន្ធ៕

អត្ថបទ ៖ សំណាង