ព័ត៌មានជាតិ

អាជ្ញាធរសង្កាត់ឫស្សីកែវ ជួសជុលផ្លូវសំបុកមាន់ សម្អាតបរិស្ថានតាមតំបន់ ក្នុងមូលដ្ឋាន

បានផុស

៨ ខែ មុន

នៅ

ថ្ងៃអង្គារ ៧ តុលា ២០២៥

ដោយ

កាលពីថ្ងៃទី ៦ ខែតុលា ឆ្នាំ ២០២៥ ម្សិលមិញ លោក ជិន ប៊ុនធឿន អភិបាលខណ្ឌឫស្សីកែវ បានឲ្យ លោក មូល វីរៈ ចៅសង្កាត់ឫស្សីកែវ ដឹកនាំក្រុមការងារសង្កាត់ និងភូមិ ចុះអនុវត្តកិច្ចការជួសជុលផ្លូវ ជង្ហុកសំបុកមាន់ និងសម្អាតបរិស្ថាននៅតាមតំបន់ក្នុងសង្កាត់ឫស្សីកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មូល វីរៈ បានឲ្យដឹងថា ក្រុមការងារបានធ្វើការជួសជុលលុបជង្ហុក (ផ្លូវសំបុកមាន់) នៅតាមផ្លូវចាក់បេតុងមួយចំនួនមានការខូចខាតដោយសារប្រើប្រាស់រយៈពេលយូរ ដែលបណ្ដាលឲ្យមានការលំបាកក្នុងការធ្វើចរាចរណ៍។ ការជួសជុលនេះ មានគោលបំណងធ្វើឲ្យប្រជាពលរដ្ឋអាចធ្វើដំណើរបានដោយសុវត្ថិភាព និងងាយស្រួលជាងមុន។

លោកចៅសង្កាត់ឫស្សីកែវ បន្តថា ក្រោយពីបញ្ចប់ការជួសជុលផ្លូវ លោកបានបន្តដឹកនាំក្រុមការងារធ្វើការបាញ់សំអាតលាងផ្លូវ និងលាងសំអាតការ៉ូឡា សម្អាតកាកសំណល់នៅក្រោមស្ពានអាកាសឫស្សីកែវ ដើម្បីរក្សាភាពស្អាត និងមានសោភ័ណភាព។

ដោយឡែក លោក សួង សុជាតិ ប្រជាពលរដ្ឋភូមិឫស្សីកែវ សង្កាត់ឫស្សីកែវ បានបង្ហាញការសប្បាយចិត្តដែលរដ្ឋបាលខណ្ឌ-សង្កាត់ ឫស្សីកែវ មកជួយជួសជុលផ្លូវ និងសម្អាតបរិស្ថាន។