នយោបាយ

នាយករដ្ឋមន្ត្រីកម្ពុជានឹងទៅចូលរួមប្រជុំកិច្ចប្រជុំដំបូងនៃក្រុមប្រឹក្សាសន្ដិសុខនៅសប្ដាហ៍ក្រោយ

បានផុស

៥ ខែ មុន

នៅ

ថ្ងៃសៅរ៍ ១៤ កុម្ភៈ ២០២៦

ដោយ

នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូជាន់ខ្ពស់កម្ពុជាទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាព ដែលរៀបចំឡើងនៅរដ្ឋធានីវ៉ាស៊ីនតោន សហរដ្ឋអាមេរិក នៅថ្ងៃទី១៩ ខែកុម្ភៈ ឆ្នាំ២០២៦ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីប្រកាសព័ត៌មាននៅថ្ងៃទី១៤ ខែកុម្ភៈនេះ កិច្ចប្រជុំនេះគឺជាការចាប់ផ្ដើមជាផ្លូវការនៃអាណត្តិការងាររបស់ក្រុមប្រឹក្សាសន្ដិភាព ក្នុងគោលដៅជំរុញសន្ដិភាព និងកិច្ចខិតខំប្រឹងប្រែងឆ្ពៅទៅរកការកសាងឡើងវិញនៅតំបន់ហ្គាហ្សា។ ជាមួយគ្នានេះ មេដឹកនាំដែលអញ្ជើញចូលរួមកិច្ចប្រជុំនេះក៏រំពឹងថានឹងពិភាក្សាគ្នាអំពីសន្ដិភាព ស្ថិរភាព និងការអភិវឌ្ឍក្នុងតំបន់ និងពិភពលោកផងដែរ។

បើតាមសេចក្ដីប្រកាសព័ត៌មាននោះ ក្រៅពីចូលរួមកិច្ចប្រជុំដ៏សំខាន់នេះ នាយករដ្ឋមន្ត្រីក៏នឹងជួបពិភាក្សាទ្វេភាគីជាមួយឥស្សរជនសហរដ្ឋអាមេរិក និងមេដឹកនាំប្រទេសឯទៀត ដើម្បីផ្លាស់ប្ដូរយោបល់គ្នាលើការពង្រឹងទំនាក់ទំនងទ្វេភាគ និងកិច្ចសហប្រតិបត្តិការ។

ក្រៅពីនេះបន្ទាប់ពីសហរដ្ឋអាមេរិក សម្ដេចធិបតី ហ៊ុន ម៉ាណែត ក៏នឹងអញ្ជើញទៅធ្វើទស្សនកិច្ចការងារទៅកាន់ទ្វីបអឺរ៉ុបដើម្បីបង្កើនភាពជាដៃគូ និងកិច្ចសហប្រតិបត្តិការបន្ថែមទៀតជាមួយតំបន់នេះផងដែរ៕

អត្ថបទដោយ ហ៊ុន សិរីវឌ្ឍន៍