នយោបាយ

គោលនយោបាយធំៗចំនួន ៥ ប្រធានាធិបតី កូរ៉េខាងត្បូង ថ្មី ដាក់ចេញមុនជាប់ឆ្នោត

បានផុស

២ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

លោក Yoon Suk-yeol បានកំណត់អត្តសញ្ញាណខ្លួនឯងថា ជា “អ្នកអភិរក្សនិយម។” លោកត្រូវបានគេចាត់ទុកថា ជាបេក្ខជនប្រធានាធិបតី ដ៏មានសក្ដានុពល សម្រាប់ការបោះឆ្នោតប្រធានាធិបតីឆ្នាំ ២០២២ ចាប់តាំងពីមានរឿងអាស្រូវ Cho Kuk ដែលបានលេចមុខជាបេក្ខជនសំខាន់ ក្នុងការស្ទង់មតិបោះឆ្នោតទូទៅចាប់តាំងខែមករា ឆ្នាំ ២០២០។ យ៉ាងណាមិញ មុនពេលជាប់ឆ្នោត លោកក៏ធ្លាប់បានដាក់ចេញនៅគោលនយោបាយធំៗចំនួន ៥ និងប្ដេជ្ញាចិត្តថាធ្វើឲ្យបាន។

ក្នុងនោះមានដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ នៅថ្ងៃទី ២២ ខែកញ្ញា ឆ្នាំ ២០២១ លោកបាននិយាយថា លោកនឹងទាមទារឲ្យសហរដ្ឋអាមេរិកដាក់ពង្រាយឡើងវិញនូវអាវុធនុយក្លេអ៊ែរយុទ្ធសាស្ត្រនៅក្នុងប្រទេសកូរ៉េខាងត្បូង។ ដែលកាលណោះ អាវុធនុយក្លេអ៊ែរមិនត្រូវបានដាក់ពង្រាយដោយសហរដ្ឋអាមេរិកក្នុងប្រទេសកូរ៉េខាងត្បូង ចាប់តាំងពីដើមទសវត្សរ៍ឆ្នាំ ១៩៩០ បន្ទាប់ពីកិច្ចព្រមព្រៀងជាមួយរុស្ស៊ី និងក្នុងកិច្ចខិតខំប្រឹងប្រែង ដើម្បីបន្ធូរបន្ថយភាពតានតឹងរវាងកូរ៉េខាងជើង និងកូរ៉េខាងត្បូង។

២ នៅថ្ងៃទី ០៧ ខែវិច្ឆិកា ឆ្នាំ ២០២១ លោក Yoon បាននិយាយថា ប្រសិនបើជាប់ឆ្នោតជាប្រធានាធិបតី លោកនឹងលើកលែងទោសអតីតប្រធានាធិបតី Lee Myung-bak និង Park Geun-hye ដែលទាំងពីរនាក់ កំពុងជាប់ពន្ធនាគាររយៈពេលវែង ពីបទពុករលួយ (Park Geun-hye ត្រូវបានលើកលែងទោសដោយប្រធានាធិបតី Moon Jae- នៅថ្ងៃទី ២៤ ខែធ្នូ ឆ្នាំដដែល)។

៣ នៅថ្ងៃទី ១២ ខែវិច្ឆិកា ឆ្នាំ ២០២១ លោក Yoon បានបង្ហាញថា លោកនឹងបើកចំហ ចំពោះការដាក់ពង្រាយកាំជ្រួច THAAD របស់សហរដ្ឋអាមេរិកបន្ថែមទៀត នៅក្នុងប្រទេសកូរ៉េខាងត្បូង។

៤ នៅថ្ងៃទី ៣០ ខែវិច្ឆិកា ឆ្នាំ ២០២១ លោក Yoon បាននិយាយថា គាត់នឹងលុបចោលសប្ដាហ៍ធ្វើការ ៥២ ម៉ោង និងប្រាក់ឈ្នួលអប្បបរមា ប្រសិនបើគាត់ក្លាយជាប្រធានាធិបតី ។

៥ នៅថ្ងៃទី ០៧ ខែមករា ឆ្នាំ ២០២២ គាត់បានសរសេរនៅលើទំព័រហ្វេសប៊ុករបស់ខ្លួនថា “លុបចោលក្រសួងស្ត្រី និងគ្រួសារ” ។ ការបង្ហោះនេះ បានទទួលការឆ្លើយតបដ៏ល្អពី Idaenam ខណៈពេលដែលអង្គការស្ត្រីនិយមរិះគន់ថា វាជា “ស្អប់នយោបាយ”។ គាត់ត្រូវបានគេដាក់ឈ្មោះថា ជា “អ្នកប្រឆាំងស្ត្រីនិយម” និងបានអះអាងថា ស្ត្រីកូរ៉េខាងត្បូងមិនទទួលរង ការរើសអើងជាប្រព័ន្ធទេ បើទោះបីជាអ្វីដែលត្រូវបានពិពណ៌នាថាជា “ភស្តុតាងដ៏អស្ចារ្យចំពោះភាពផ្ទុយគ្នា”៕

ប្រែសម្រួល៖ សាង ស្រីល័ក្ខ

ប្រភព៖ wikipedia

ចុចអាន៖កូរ៉េខាងត្បូង រើសបានប្រធានាធិបតីថ្មី