អាជីព
មុខរបរល្អទាំង៥ សម្រាប់អ្នកចូលចិត្តផ្នែកអាហារ
ជាអ្នកចូលចិត្តអាហារ មានធ្លាប់គិតថា នឹងបង្កើតមុខរបរដែលពាក់ព័ន្ធនឹងវិស័យនេះទេ? ហើយមានដឹងដែរអត់ថា ការងារអ្វីខ្លះដែលសក្តិសមសម្រាប់ Food Lover ដូចយើង?
១. បើកហាងលក់នំ
ចាប់ផ្តើមពីទុនតិចក៏អាចទៅរួច ដោយលក់នំតាមអនឡាញ ឬធ្វើដាក់លក់នៅតាមហាងកាហ្វេ ឬបោះឲ្យអ្នកលក់រាយតាមផ្សារសម្រាប់នំតូចៗ។ អ្នកអាចលក់នំខេក នំប៉័ង នំដូណាត់ នំផ្អែមផ្សេងៗ និងនំដែលអាចញ៉ាំលេងជាច្រើនមុខទៀតតាមតែខ្លួនចេះធ្វើ និងរៀនធ្វើនំណាដែលមានទីផ្សារច្រើន។ ក្រោយមានដើមទុនល្មម ដល់ពេលបើកហាងខ្លួនឯងតូចមួយ ដោយជួលកន្លែង រួចចាប់ផ្ដើមពង្រីកហាងលក់ឲ្យកាន់តែធំជាងមុន។
២. បើកហាងផ្គត់ផ្គង់អាហារតាមកម្មវិធី
សេវាកម្មនេះមិនពិបាកធ្វើជាអាចិន្ត្រៃយ៍ទេ តែធ្វើម្តងៗទទួលកម្រៃច្រើន។ អ្នកអាចបើកសេវាកម្មផ្គត់ផ្គង់អាហារតាមកម្មវិធីផ្សេងៗដូចជា ពិធីសម្ពោធក្រុមហ៊ុន សម្ភោធហាង កម្មវិធីបុណ្យ ពិធីមង្គលការ សិក្ខាសាលា និងកម្មវិធីជាច្រើនទៀត។
អាហារដែលអ្នកអាចផ្តល់ក្នុងសេវានេះ អាចជាម្ហូប បង្អែម ភេសជ្ជៈ ទាំងខ្មែរ និងបរទេស ប៉ុន្តែវាត្រូវការកម្លាំងច្រើន ដូច្នេះបើពិតជាចង់ធ្វើ អ្នកត្រូវរកមើលថានរណាអាចជួយអ្នកបាន។
៣. បើកហាងលក់ម្ហូបអាហារ
ជាអ្នកចូលចិត្តអាហារ ការបើកហាងលក់ម្ហូបជាអាជីពល្អមួយ។ អ្នកអាចលក់ដូចជា គុយទាវ ស៊ុប បាយម្ហូប អាហារសម្រន់ នំ បង្អែម ភេសជ្ជៈជាដើម។ បើមានអាហារប្រចាំត្រកូលរឹតតែល្អ ដោយច្នៃវាឡើងជាមីនុយប្រចាំហាង ឬអាហារដែលទើបរកឃើញ ឬអាហារប្រភេទណាមួយដែលមានរសជាតិឆ្ងាញ់ប្លែកពីគេ នោះប្រាកដជាជោគជ័យមិនខាន។
៤. បើកហាងលក់គ្រឿងទេស
នៅតាមផ្សារនានាមិនខ្វះទេកន្លែងលក់គ្រឿងទេស ប៉ុន្តែវានៅតែជាតម្រូវការចាំបាច់សម្រាប់មេផ្ទះនិងចុងភៅដដែល។ បើកហាងលក់គ្រឿងទេសដូចជា គ្រឿងផ្សំម្ហូប បន្លែ សាច់ និងសម្ភារៈផ្ទះបាយ។ល។ ក្រៅពីនោះ បើហាងអាចមានសេវាតាមណែនាំមុខម្ហូប និងវិធីធ្វើនៅក្នុងហាងតែមួយរឹតតែបង្កភាពងាយស្រួលដល់អតិថិជន ដោយអាចទាក់ទាញពួកគេឲ្យចូលហាងហូរហែរ។
៥. អនឡាញលើវិស័យអាហារ
បង្កើតប្លុក ផេក ឬឆាណែល YouTube អំពីវិស័យអាហារ ដោយអាចធ្វើនៅផ្ទះ ឬត្រូវចេញទៅស្វែងរកអាហារប្លែកៗនៅខាងក្រៅម្តងម្កាល។ សរសេរអត្ថបទពីការចម្អិនអាហារ ការណែនាំមុខម្ហូប ធ្វើវីឌីអូរបៀបចម្អិនអាហារ និងសូម្បីតែថតវីដេអូអង្គុយញ៉ាំអាហារក៏អាចរកចំណូលបាន។ ក្រោយពីអត្ថបទនិងវីដេអូរបស់អ្នកល្បី មិនខ្វះនោះទេភ្ញៀវទាក់ទងផ្សាយពាណិជ្ជកម្ម ហើយពេលនោះចំណូលក៏ហូរចូលជារឿយៗ៕
ប្រែសម្រួល៖ សន្យា
ប្រភព៖ Business Insider
ចុចអាន៖ រវាងកាហ្វេកាពូឈីណូ ឡាតេ និងទឹកកាហ្វេខ្មៅសុទ្ធ មួយណាល្អជាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង