ក្រោយជីកកាយដាក់ប្រព័ន្ធលូពិបាកដល់ការធ្វើដំណើររបស់ពលរដ្ឋ ផ្លូវ២០០៤ត្រូវបានមន្ត្រីជំនាញស្ថាបនាចាក់ជាបេតុងឡើងវិញ

ទីតាំងជង្ហុកដែលបង្កការរំខានដល់ការធ្វើដំណើរដល់ពលរដ្ឋ ស្ថិតតាមបណ្ដាយផ្លូវ២០០៤ កែងផ្លូវ ដួងងៀប ក្នុងសង្កាត់អូបែកក្អម ខណ្ឌសែនសុខ ត្រូវបានអាជ្ញាធរដាក់គ្រឿងចក្រឈូសឆាយ ចាក់ជាបេតុងឡើងវិញ បន្ទាប់ពីបង្កគ្រោះថ្នាក់ដល់អ្នកធើ្វដំណើរ នៅពេលមានភ្លៀងធ្លាក់មកលិចជង្ហុកមើលមិនឃើញតែងតែដួសរលាត់ដៃរលាត់ជើងជាពិសេសនៅពេលយប់តែម្ដង។

សូមបញ្ជាក់ថា កន្លងមកមានប្រជាពលរដ្ឋបានលើកឡើងពីការលំបាកក្នុងការធើ្វដំណើរប្រចាំថ្ងៃនៅពេលដែលមានភ្លៀងធ្លាក់មកម្ដងៗ គឺតែងតែមានការជន់លិចធ្វើឲ្យចរាចរណ៍មិនអាចធ្វើដំណើរបាន។ គាត់សប្បាយចិត្តនៅពេលដែលឃើញមានការស្ថាបនា និងដាក់ប្រព័ន្ធលូធំៗដើម្បីរំដោះទឹកនៅពេលមានភ្លៀវធ្លាក់ ទឹកលែងមានលិចបន្តទៀត ងាយស្រួលក្នុងការធើ្វដំណើរ។

លោក ឆេង ជា ជាពលរដ្ឋរស់នៅលើផ្លូវនោះបានសាទរ ចំពោះការដែលអាជ្ញាធរបានធើ្វការចាក់បេតុងឡើងវិញបង្កភាពងាយស្រួលក្នុងការស់នៅ និងមិនបង្កការគ្រោះថ្នាក់ដល់ដំណើរបន្តទៀត។ លោកបានបន្តទៀត មួយរយៈក្រោយនេះទោះមានភ្លៀវខ្លាំងយ៉ាងណាក៏មិនលិចដូចកាលពីមុនឡើយ ដោយសារប្រព័ន្ធក្រោយៗនេះមានទំហំធំអាចជួយរំដោះទឹកបានទាន់ពេលវេលា។

តាមការបញ្ជាក់ពីមន្រី្តជំនាញដែលចុះពិនិត្យការដ្ឋានផ្ទាល់បានអោយ កម្ពុជាថ្មី ដឹងថា ការស្ថាបនាផ្លូវនេះឡើងវិញ មានប្រវែងជាង៦០០ម៉ែត្រ ជាប្រភទបេតុងក្រាលសរសៃដែក មានកម្រាស់២តឹក ដោយធើ្វការចាក់បេតុងឡើងវិញចាប់ពីចំណុចផ្លូវ២០០៤កែងផ្លូវដួង ងៀប រហូតដល់ផ្លូវ២០០៤ កែងផ្លូវ អង្គតាមិញ ននឹងបើកអោយដំណើរក្នុងពេលឆាប់ៗខាងមុននេះ៕

អត្ថបទ៖ ម៉េង