ពលរដ្ឋភិតភ័យ ក្រោយពីប្រទះឃើញគ្រាប់មីនមួយគ្រាប់នៅជិតផ្ទះ

គ្រាប់មីនមួយគ្រាប់ ត្រូវបានប្រជារដ្ឋប្រទះឃើញនៅក្បែររបងផ្ទះ ដែលមានពណ៌សម្បុរនៅថ្មី និង បង្កឲ្យមានការភ័យខ្លាច ដោយមិនដឹងថាគ្រាប់មីននេះមកពីណាហើយក៏បានរាយការណ៍ទៅអាជ្ញាធរមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើល នៅព្រឹកថ្ងៃទី ២២ ខែមករា ឆ្នាំ២០២៦ នៅត្រុងចំណុចភូមិដំបូកបុណ្យ ឃុំអន្លង់វិល ស្រុកសង្កែ ខេត្តបាត់ដំបង។ នៅព្រឹកនោះដែរប្រជាពលរដ្ឋបានប្រទះឃើញគ្រាប់មីនហាក់ដូចជានៅថ្មី ដែលគ្រាប់មីននោះស្ថិតនៅក្បែរនិងគល់ដូងក្នុងភូមិឃុំខាងលើ ដែលម្នាក់ៗងើលឆ្ងល់ថា តាំងពីដើមឡើយ គឺ មិនដែលឃើញសោះស្រាប់តែពេលនេះក៏បានប្រទះឃើញតែម្ដង ហើយក៏បានរាយការណ៍ទៅមេភូមិ ដើម្បីធ្វើយ៉ាងណាយកគ្រាប់នេះចេញពីកន្លែងកើតហេតុ ព្រោះវាស្ថិតនៅក្បែរផ្ទះពេក។

ភ្លាមៗនោះដែរពលរដ្ឋបានទាក់ទងទៅលោក យុត តុងហូ អធិការនគរបាលស្រុកសង្កែ ដោយលោកបានបញ្ជាក់ថា រឿងនេះលោកមិនទាន់បានទទួលសេចក្តីរាយការណ៍សោះឡើយ ប៉ុន្តែក្រោយពីលោកបានទាក់ទងទៅចំណុចខាងលើ ទើបដឹងច្បាស់ថាពិតជាមានគ្រាប់មីននៅក្បែររបងផ្ទះពិតមែន លោកក៏បានទាក់ទងទៅកម្លាំងស៊ីម៉ាក់ ដើម្បីចុះអន្តរាគមន៍ ប៉ុន្តែពេលនេះកម្លាំងស៊ីម៉ាក់ជាប់បំពេញការងារនៅថ្មដា ដូច្នេះសមត្ថកិច្ចបានយកខ្សែសុវត្ថិភាពទៅហ៊ុមព័ទ្ធទីតាំងនោះហើយ ដើម្បីរង់ចាំក្រុមជំនាញចុះមកពិនិត្យនិងយកទៅកម្ទេចចោល៕ អត្ថបទ ៖ និយមរ័ត្ន