សន្តិសុខសង្គម
ឃាត់ខ្លួនបុរសជនជាតិវៀតណាមម្នាក់ ពីបទរំលោភសេពសន្ថវៈ
បុរសជនជាតិវៀតណាមម្នាក់ ត្រូវបានសមត្ថកិច្ចឃាត់ខ្លួន ដោយយោងតាមបណ្ដឹងរបស់នារីម្នាក់ ដោយចោទថាបុរសរូបនោះចាប់រំលោភនាងបានសម្រេច។
មន្ត្រីប៉ុស្តិ៍នគរបាលរដ្ឋបាលស្រះចកអធិការដ្ឋាន នគរបាលខណ្ឌដូនពេញ បានឲ្យដឹងថាករណី ចាប់រំលោភសេពសន្ថវៈ នៅចំណុចរោងកម្មករសំណង់បឹងកក់ ភូមិ ១ សង្កាត់ស្រះចក ខណ្ឌដូនពេញ កាលពីថ្ងៃទី ២៦ ខែវិច្ឆិកា ឆ្នាំ ២០២១។
សមត្ថកិច្ចបានឲ្យដឹងទៀតថា អត្តសញ្ញាណជនសង្ស័យឈ្មោះ BUI VAN BUT ភេទប្រុស អាយុ ៣៤ ឆ្នាំ ជនជាតិវៀតណាម មុខរបរកម្មករសំណង់ ស្នាក់នៅរោងកម្មករសំណង់បឹងកក់ ភូមិ ១ សង្កាត់ស្រះចក ខណ្ឌដូនពេញ កាន់លិខិតឆ្លងដែនលេខC០៣៤០៨០៤(ឃាត់ខ្លួន)។
ជនរងគ្រោះឈ្មោះ យ៉ន ឆៃមួយ ភេទស្រី អាយុ ៣៥ ឆ្នាំ ជនជាតិខ្មែរ មុខរបរកម្មករអនាម័យ ស្នាក់នៅរោងកម្មករសំណង់បឹងកក់ ភូមិ ១ សង្កាត់ស្រះចក ខណ្ឌដូនពេញ។
ដំណើររឿងហេតុនោះនៅថ្ងៃទី ២៦ ខែវិច្ឆិកា ឆ្នាំ ២០២១ វេលាម៉ោង ១០ និង ៣០ នាទី ប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានទទួលពាក្យបណ្តឹងពីជនរងគ្រោះឈ្មោះ យ៉ន ស្រីមួយ ភេទស្រី អាយុ៣៥ឆ្នាំ ចោទប្រកាន់ជនសង្ស័យឈ្មោះ BUI VAN BUT ភេទប្រុស អាយុ៣៤ឆ្នាំ ជនជាតិវៀតណាម ចាប់រំលោភសេពសន្ថវៈ នៅចំណុចរោងកម្មករសំណង់បឹងកក់ ភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ កាលវេលាម៉ោង០៧ និង ៤០ នាទី នាថ្ងៃខែឆ្នាំដដែល។
បន្ទាប់ទទួលបានពាក្យបណ្តឹងពីជនរងគ្រោះ កម្លាំងប៉ុស្តិ៍សហការជាមួយកម្លាំងជំនាញផ្នែកយុត្តិធម៌ នៃអធិការដ្ឋាននគរបាលខណ្ឌដូនពេញ ចុះទៅដល់កន្លែងកើតហេតុឃើញជនសង្ស័យក៏ធ្វើការឃាត់ខ្លួននាំមកប៉ុស្តិ៍នគរបាលរដ្ឋបាលស្រះចក ធ្វើការសាកសួរ។
ក្រោយពីសាកសួរជនសង្ស័យឈ្មោះ BUI VAN BUT បានសារភាពថា ខ្លួនពិតជាបានរួមភេទជាមួយជនរងគ្រោះនៅចំណុចខាងលើបានសម្រេចប្រាកដមែន កន្លងមកខ្លួនធ្លាប់បានរួមភេទជាមួយជនរងគ្រោះចំនួន០២លើក តែមិនចាំថ្ងៃក្នុងខែវិច្ឆិកា ឆ្នាំ២០២១។ ចំពោះមុខកម្លាំងជំនាញខណ្ឌប៉ុស្តិ៍ កំពុងប្រើប្រាស់វិធានការជំនាញសួរចម្លើយ និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់៕
អត្ថបទ៖ រស្មី
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
ព័ត៌មានអន្ដរជាតិ៣ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ៣ ថ្ងៃ agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត