សន្តិសុខសង្គម

តុលាការបើកការសាកសួរជនសង្ស័យដែលចោទលោក ជា សុផារ៉ា ថាពុករលួយ និងមានស្នេហាជាមួយប្រពន្ធគេ

បានផុស

៥ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

ចៅក្រមស៊ើបសួរសាលាដំបូងរាជធានីភ្នំពេញ លោក ធាម ច័ន្ទពិសិដ្ឋ នៅថ្ងៃទី ២៩ ខែវិច្ឆិកា ឆ្នាំ២០២១ នេះ បានបង្គាប់ឱ្យអនុរក្សពន្ធនាគារព្រៃសនាំខ្លួនជនជាប់ចោទ ឈ្មោះ គង់ ឃៀង មកកាន់តុលាការ ដើម្បីបើកការសាកសួរបន្ថែមពាក់ព័ន្ធនឹងបទល្មើសបរិហារកេរ្តិ៍លោក ជា សុផារ៉ា ឧបនាយករដ្ឋមន្រ្តី និងជារដ្ឋមន្ត្រីក្រសួងរៀបចំដែនដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ ឃៀង ត្រូវបានសមត្ថកិច្ចចាប់ និងបញ្ជូនខ្លួនទៅឃុំឃាំងនៅពន្ធនាគារព្រៃស ក្រោយពីបុគ្គលរូបនេះ បានបង្ហោះវីដេអូចំនួនពីរ ចោទរដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ លោក ជា សុផារ៉ា ថា បានប្រព្រឹត្តអំពើពុករលួយ និងមានទំនាក់ទំនងស្នេហាជាមួយប្រពន្ធគេ។

តាមរយៈវីដេអូឃ្លីប លោក គង់ ឃៀង បានិយាយថា៖ «ស្ត្រីដែលលោក ជា សុផារ៉ា កំពុងទាក់ទងមិនមែននៅលីវទេ ក៏មិនមែនមេម៉ាយដែរ គឺនាងមានប្ដី ហើយមានកូនស្រី ខ្ញុំសូមមិនបង្ហាញឈ្មោះប្ដីទេ ព្រោះទុកមុខឱ្យបុរសដូចគ្នា ព្រោះគ្នាវារងគ្រោះទៅហើយគេមក ឆក់ប្លន់ ប្រពន្ធរបស់ខ្លួន នៅនឹងមុខតែដោយសារគេមានអំណាចធំពេក ខ្លួនជាមនុស្សតូចតាចមិនមានអីតតាំង ខ្មែរយើងគេ ហៅថាធ្វើជាអាវែក គេមកឆក់ប្លន់ក៏មិនដឹងធ្វើម៉េចដែរ»។ ចំពោះការលើកឡើងបែបនេះ តុលាការក្រុងភ្នំពេញ បានចោទប្រកាន់លោក គង់ ឃៀង ពីបទ «បរិហារកេរ្តិ៍ និងញុះញង់ឱ្យមានការរើសអើងចំពោះថ្នាក់ដឹកនាំ»៕

អត្ថបទ៖ មករា