សន្តិសុខសង្គម

ករណីប្រទះឃើញសពក្នុងស្រះទឹក ក្នុងវត្តស្ទឹងមានជ័យ សមត្ថកិច្ចបញ្ជាក់ថា ករណីលង់ទឹកស្លាប់ មិនមែនជាករណីអ្វីផ្សេង

បានផុស

១២ ខែ មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

ភ្នំពេញ ៖ ករណីប្រទះឃើញសពស្លាប់ក្នុងស្រះទឹក ក្នុងវត្តចង្ក្រានតាព្រហ្ម ហៅវត្តស្ទឹងមានជ័យ ស្ថិតក្នុងស្ទឹងមានជ័យ១ ខណ្ឌមានជ័យ បង្កការភ្ញាក់ផ្អើលនាវេលាក្បាលព្រលប់ល្ងាចថ្ងៃទី០៩ ខែធ្នូ ឆ្នាំ២០២១ សមត្ថកិច្ចជំនាញបញ្ជាក់ថា ជាករណីលង់ទឹកស្លាប់ ពុំមែនជាករណីអ្វីផ្សេងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះ ឈ្មោះ ឧត្តម ភេទប្រុស អាយុ១៥ឆ្នាំ មានទីលំនៅ ក្រោយផ្សារស្ទឹងមានជ័យចាស់ ក្នុងសង្កាត់ស្ទឹងមានជ័យ១ ខណ្ឌមានជ័យ។

យោងតាមប្រភពព័ត៌មាន ពីសាក្សីនៅកន្លែងកើតហេតុឲ្យដឹង នៅមុនកើតហេតុ គេសង្កេតឃើញ យុវជនរងគ្រោះ និងមិត្តភក្តិមួយចំនួន បាននាំគ្នាទៅលេងទឹកស្រះក្នុងវត្ត ហើយក៏បានចុះហែលលេង ។ ខណៈនោះ យុវជនរងគ្រោះ ក៏បានលិបបាត់ស្រមោលក្នុងទឹកមួយសន្ទុះ ពេលនោះធ្វើបង្កឲ្យមានការភ្ញាក់ផ្អើល ដោយសារបាត់មនុស្ស ។

បន្ទាប់ពីបាត់យុវជនរងគ្រោះ ក្រុមមិត្តភក្តិ បានជម្រាបដល់ព្រះសង្ឃក្នុងវត្ត ដើម្បីសុំជួយអន្តរាគមន៍ ។ ភ្លាមៗនោះ មានព្រះសង្ឃ ចេះហែលទឹក ក៏លោកបានមុជទឹកចូលទៅរ៉ាវរក ក៏ប្រទះឃើញយុវជនរងគ្រោះ តែម្តងទឹក ហើយក៏បានជួយស្រង់ឡើងលើគោក ទើបទឹកថាយុវជនរងគ្រោះបានស្លាប់ហើយ។

ក្រោយ កកើតហេតុ នៃរឿង សមត្ថកិច្ចមូលដ្ឋាន រួមទាំងនគរបាលជំនាញផ្នែកកោសល្យវិច័យ នៃអធិការដ្ឋាននគរបាលខណ្ឌមានជ័យ និងជំនាញ នៃស្នងការដ្ឋាននគរបាលរាជធានីភ្នំពេញ បានចុះអន្តរាគមន៍ធ្វើការហ៊ុមព័ទ្ធខ្សែពិនិត្យវិច័យរកមូលដ្ឋាន នៃការស្លាប់។

លោកវរសេនីយ៍ទោ កឹម កល្យាណ អធិការរងនគរបាលខណ្ឌមានជ័យ ទទួលផែនយុត្តិធម៌ បានប្រាប់ឲ្យដឹងថា ក្រោយការពិនិត្យយ៉ាងល្អិតល្អន់រួចមក ករណីនេះ គឺជាករណីលង់ទឹកប្រាកដមែន ពុំមែនជាករណីអ្វីផ្សេងឡើយ ។ ក្រោយការពិនិត្យរួចរាល់ សពបានប្រគល់ជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី៕

ដោយ ៖ លីហេង & សុខា