សន្តិសុខសង្គម
ក្រុមចោរជិះ Passapp លួចគោព្រលះយកសាច់លក់ជាច្រើនករណី ត្រូវនគរបាលឃាត់ខ្លួន
កំពង់ស្ពឺ៖ ក្រុមចោរ ចំនួន ២ នាក់ ដែលធ្វើសកម្មភាពជិះ Passapp ដើរលួចគោរបស់ប្រជាពលរដ្ឋ ហើយព្រលះយកសាច់លក់ ត្រូវជាប់អន្ទាក់នគរបាលស្រុកភ្នំស្រួច ខេត្តកំពង់ស្ពឺ ក្រោយធ្វើសកម្មភាពបានសម្រេច។
ជនសង្ស័យពាក់ព័ន្ធករណីខាងលើ ត្រូវបានកម្លាំងសមត្ថកិច្ចឃាត់ខ្លួន រួចកសាងសំណុំបញ្ជូនទៅ តុលាការ នៅ ថ្ងៃទី១០ ខែធ្នូ ឆ្នាំ២០២១នេះ ដើម្បីអនុវត្តតាមនិតិវិធីច្បាប់។
នគរបាលស្រុកភ្នំស្រួច បានឱ្យដឹងថា ក្រុមចោរបានលួចគោព្រលះយកសាច់ នៅ ចំណុចវត្តតាំងហោង ក្នុងភូមិឈើនាងខ្ពស់ ឃុំតាំងស្យា ស្រុកភ្នំស្រួច ខេត្តកំពង់ស្ពឺ កាលពីរសៀលថ្ងៃទី ៩ ខែធ្នូ ឆ្នាំ ២០២១ នេះ។
ជនសង្ស័យទាំង ២ រួមមាន ទី ១ ឈ្មោះ ពាំង ឈា ភេទប្រុស អាយុ ៣៦ ឆ្នាំ និងទី ២ ឈ្មោះ ម៉ុន វណ្ណា ភេទប្រុស អាយុ ៤០ ឆ្នាំ។ បច្ចុប្បន្នអ្នកទាំងពីរស្នាក់នៅ បន្ទប់ជួល ភូមិមានជ័យ សង្កាត់មានជ័យ១ ខណ្ឌមានជ័យ១ រាជធានីភ្នំពេញ។
នគរបាលស្រុកភ្នំស្រួច ប្រាប់ថាបន្តថា ជនសង្ស័យបានធ្វើសកម្មភាពលួចគោញីមួយក្បាល ព្រលះយកសាច់លក់ នៅ ចំណុចភូមិដក់ពរ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។ បន្ទាប់ពីមានករណីនេះ កម្លាំងជំនាញបានស្រាវជ្រាវរហូតកំណត់បានមុខសញ្ញា ឈានដល់ការឃាត់ខ្លួនតែម្តង។
ជនសង្ស័យទាំង ២ នាក់ បានសារភាពថា ពួកគេបានជិះ Passapp ឈ្មោះ ចាន់ ភេទប្រុស អាយុប្រហែល ៤០ ឆ្នាំ ដឹកសាច់គោដែលគេលួចយកមកប្រលះយកទៅ លក់ឱ្យជាច្រើនលើកកន្លងមកហើយ។ ជនសង្ស័យសារភាពទៀតថា ពួកគាត់ធ្លាប់បានធ្វើសកម្មភាពខាងលើចំនួន ៥ លើក នៅ ខេត្តកំពង់ស្ពឺ ចំនួន ៣ លើក ខេត្តកំពង់ចាម ចំនួន ១ លើក និងព្រែកតាមាក់ ចំនួន ១ លើក។
វត្ថុតាងដកហូតរួមមាន Passapp ចំនួន ១ គ្រឿង ពាក់ស្លាកលេខ ភ្នំពេញ 1IE-1443, ពូថៅ ចំនួន ១, កាំបិតចិត្តបន្លែ ចំនួន ១, ទុលឡឺវីស ចំនួន ១, ខ្សែគោពណ៌ខ្មៅ ចំនួន ១ដុំ, ធូបមូសចំនួន ៣ ប្រអប់, ថង់កាតេសម្រាប់ច្រកសាច់គោ ចំនួន១៥, ថង់ប្លាស្ទិច ១២ និងសម្ភារ:មួយចំនួនទៀត។
បច្ចុប្បន្នសមត្ថកិច្ចបានកសាងសំណុំរឿងទៅ សាលាដំបូងខេត្តកំពង់ស្ពឺ ដើម្បីចាត់ការតាមនីតិវិធី៕
អត្ថបទ៖ ភួង រដ្ឋា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ