សន្តិសុខសង្គម

Update៖ ករណីអគ្គិភ័យឆេះផ្ទះនៅជិតវត្តអង្គតាមិញរាលដាលដល់ផ្ទះ២ល្វែងបន្ថែមទៀត

បានផុស

៥ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

អគ្គិភ័យដែលឆាបឆេះផ្ទះប្រជាពលរដ្ឋយ៉ាងសន្ធោសន្ធៅនៅជិតវត្តអង្គតាមិញ គឺជាផ្ទះស្តុកទំនិញ និងបន្តរាលដាលដល់ផ្ទះអ្នកជិតខាងចំនួន២ល្វែងបន្ថែមទៀតខូចខាតសម្ភារៈមួយចំនួនផងដែរ។

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញមានផ្សែងហុយចេញពីផ្នែកខាងក្នុង និងចេញជាអណ្តាតភ្លើងឆាបឆេះយ៉ាងសន្ធោសន្ធៅ ភ្ញាក់ផ្អើលដល់បងប្អូនប្រជាពលរដ្ឋបាននាំគ្នាយកបំពង់ពន្លត់អគ្គិភ័យជាច្រើនបំពង់ដើម្បីបាញ់ពន្លត់ តែដោយសារមិនអាចគ្រប់គ្រងបាន ដោយអណ្តាតភ្លើងកាន់តែឆេះខ្លាំងឡើងៗ ទើបរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឱ្យដឹងថា ម្ចាស់ផ្ទះឈ្មោះ លី ឃុន ភេទប្រុស អាយុ៤០ឆាំ្ន មុខរបរ លក់គ្រឿងសោ្នរ។ចំពោះមូលហេតុនៃការឆាបឆេះបណ្តាលមកពីឆ្លង់ចរន្តអគិ្គសនី។

ផ្ទះលែ្វងខាងលើមានទំហំ ទទឹង៤ម៉ែត្រ និងបណ្តោយ១៦ម៉ែត្រ ខូចខាតសម្ភារៈឆេះផ្ទះអស់១លែ្វង នឹងរាលដាលដល់ផ្ទះចំនួន២ល្វែង បណ្តាលឱ្យរងការខូចខាត។

ក្នុងរង្វង់ប្រតិបត្តិការបង្ការគ្រោះអគ្គិភ័យនេះ សមត្ថកិច្ចបានប្រើប្រាស់រថយន្ដពន្លត់អគ្គិភ័យចំនួន២២គ្រឿង ប្រើប្រាស់ទឹកអស់៤៤ឡាន ស្មើនឹង១៧៦ម៉ែត្រគូប ។ រថយន្តក្រុមហ៊ុនស្រាបៀរកម្ពុជា ចំនួន ០១គ្រឿង ប្រើប្រាស់ទឹកអស់០២ឡាន សើ្មនឹង១២ម៉ែត្រគូប។

គួរបញ្ជាក់ថា កាលពីវេលាម៉ោង១២និង២០នាទីរសៀលថ្ងៃទី១៦ ខែធ្នូ ឆ្នាំ២០២១ មានរណីអគ្គិភ័យមួយបានកើតឡើងនៅចំណុចផ្ទះលេខ៤៤J៣ សិ្ថតនៅផ្លូវបេងតុងលេខ៣៨E៤ ភូមិត្រពាំងល្វា២ ក្រុម១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ៕

អត្ថបទ៖ សុខា