សន្តិសុខសង្គម

ឃុំខ្លួនស្ត្រីម្នាក់រឿងខ្ចីលុយដើម៥ម៉ឺនដុល្លារឡើងការប្រាក់ដល់៩ម៉ឺនដុល្លារ

បានផុស

៥ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ចៅក្រមសាលាដំបូង លោក ម៉ម ច័ន្ទវណ្ណៈ នាល្ងាចថ្ងៃទី១៦ ខែធ្នូ ឆ្នាំ២០២១នេះ បាមចេញដីកាសម្រេចឃុំខ្លួនស្ត្រីម្នាក់ដាក់ពន្ធនាគារក្រោមការចោទប្រកាន់ពីបទរំលោភលើទំនុកចិត្ត ពាក់ព័ន្ធនិងការខ្ចីលុយចងការប្រាក់ដាក់ប្លង់ដីបញ្ចាំ ពីប្រាក់ដើម៥ម៉ឺនដុល្លាររហូតដល់ឡើងកាប្រាក់ដល់៩ម៉ឺនដុល្លារ ។

ជនត្រូវចោទដែលចៅក្រមតុលាការសម្រេចឃុំខ្លួនឈ្មោះ អោម ចាន់ណា អាយុ៤២ឆ្នាំ មានមុខរបរជាអ្នកលក់បាយ ម្ហូប មានទីលំនៅភូមិបាក់ខែង សង្កាត់បាក់ខែង ខណ្ឌជ្រោយចង្វារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីឈ្មោះ អោម ចាន់វណ្ណៈ ត្រូវបាននគរបាលព្រហ្មទណ្ឌកំរិតធ្ងន់រាជធានីភ្នំពេញចាប់ខ្លួនតាមដីកាបង្គាប់របស់ចៅក្រមតុលាការឈ្មោះ ម៉ម ចាន់វណ្ណៈ ហើយត្រូវបានបញ្ជូនមកកាន់សាលាដំបូងនៅថ្ងៃទី១៦ ខែធ្នូនេះ ។ ក្នុងនោះក្រោយពីធ្វើការសាកសួរចប់ ចៅក្រមសើបសួរបានចេញដីកាឃុំខ្លួនជនត្រូវចោទភ្លាម តាមដីកាបង្គាប់អោយឃុំខ្លួនលេខ ៩១៤៨ ឋ ដឃដ ចុះហត្ថលេខាដោយចៅក្រម ម៉ម ចាន់វណ្ណៈ ក្រោមបទចោទប្រកាន់ រំលោភលើទំនុកចិត្ត ។

ពាក់ព័ន្ធនិងការឃុំខ្លួនជនជាប់ចោទ ប្រភពពីសាលាដំបូងបានអោយដឹងថា កាលពីសម័យមុនវិបត្តិកូវីដ១៩រាតត្បាត ឈ្មោះ អោម ចាន់វណ្ណៈ បានខ្ចីប្រាក់ពីជនជាតិវៀតណាមម្នាក់ចំនួន៥ម៉ឺនដុល្លារដើម្បីរកស៊ី ក្រោមរូបភាពចងការប្រាក់ដោយដាក់ប្លង់ដីបញ្ចាំមួយកន្លែងនៅសង្កាត់បាក់ខែងមានទំហំ៧ម៉ែត្រគុណនិង៥០ម៉ែត មានតម្លៃប្រហែល២០ម៉ឺនដុល្លារនាពេលបច្ចុប្បន្ន ។

ប្រភពបានអោយដឹងទៀតថា មុនដំបូងដំណើរការសងបំណុលទៀងទាត់ លុះដល់កូវីដចូលមកដល់ស្រាប់តែកូនបំណុលគ្មានប្រាក់បង់ការប្រាក់រហូតដល់សពថ្ងៃជាហេតុធ្វើអោយកាប្រាក់ឡើងដល់៤ម៉ឺនដុល្លារ បូកទាំងប្រាក់ដើម៥ម៉ឺនទៀត សរុបបំណុលឡើងដល់៩ម៉ឺនដុល្លារ ឈ្មោះ អោម ចាន់ណា គ្មានមធ្យោបាយសង ក៏ទៅសុំប្លង់ដីពីម្ចាស់បំណុលដើម្បីដាក់បញ្ចាំនៅធនាគារយកប្រាក់មកសង តែម្ចាស់បំណុលមិនព្រមព្រោះចង់បានដីដែលកូនបំណុលបញ្ចាំនោះដាច់តែម្ដង ក៏ប្ដឹងមកតុលាការចាប់ខ្លួនឈ្មោះ អោម ចាន់ណា ដាក់ឃុំតែម្ដង ដើម្បីដាក់សម្ពាធ ៕

អត្ថបទ៖ មករា