សន្តិសុខសង្គម

ឆេះកុដិក្នុងវត្ត ព្រះធាតុឆ្វេង ខូចខាតសម្ភារៈនិងប្រាក់មួយចំនួនធំ

បានផុស

៥ years មុន

នៅ

ថ្ងៃចន្ទ ២៧ ធ្នូ ២០២១

ដោយ

អគ្គិភ័យបានលេបត្របាក់កុដិព្រះសង្ឃចំនួនមួយខ្នងទំហំ ០៨x០៦ ម៉ែត្រ ធ្វើពីឈើជញ្ជាំងក្តាប្រកក្បឿង អស់ទាំងស្រុង ខូចខាតសម្ភារៈនិងប្រាក់មួយចំនួនធំ។

ករណីអគ្គិភ័យនេះបានកើតឡើងកាលពីថ្ងៃទី២៦ ខែធ្នូ ឆ្នាំ២០២២ វេលាម៉ោង១១និង១០នាទីព្រឹក ស្ថិតនៅចំណុចវត្តព្រះធាតុឆ្វេង ភូមិសន្ទៃ ឃុំពង្រ ស្រុករលាប្អៀរ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍សមត្ថកិច្ចបានឲ្យដឹងថា ក្នុងករណីអគ្គិភ័យនេះ ធ្វើឲ្យខូចខាតសម្ភារៈមួយចំនួនរួមមាន៖ ព្រះបទ៣០ផ្ទាំង ខ្សែពួរ០១ ប្រវែង២០០ម៉ែត្រ ម៉ូទ័រកាត់ចំនួន០២ គ្រែចំនួន០២ ថវិកាចំនួន ៦០ម៉ឺនរៀល រួមទាំងសម្ភារៈមួយចំនួនទៀត ។ សមត្ថកិច្ចបានបញ្ជាក់ថា មូលហេតុបណ្តាលមកពីអុចធូកទៀនធ្វេសប្រហែស ។

ក្នុងកិច្ចប្រតិបត្តិការជួយអន្តរាគមន៍ កម្លាំងសមត្ថកិច្ចបានចេញរថយន្តពន្លត់អគ្គិភ័យចំនួន០៣គ្រឿង ប្រើប្រាស់ទឹកអស់០៣រថយន្ត ទើបរលត់ទាំងស្រុង និងមិនបណ្តាលឲ្យឆេះរាលដាលដល់កុដិផ្សេងទៀតនិងគ្រោះថ្នាក់ដល់មនុស្សឡើយ៕

អត្ថបទ៖ សុខុម