Connect with us

សន្តិសុខសង្គម

អាវុធហត្ថរាជធានី ត្រៀមលក្ខណៈរក្សាការពារសន្តិសុខ សណ្ដាប់ធ្នាប់ជូនពលរដ្ឋក្នុងឱកាសបុណ្យចូលឆ្នាំចិន

បានផុស

នៅ

កម្លាំងអាវុធហត្ថរាជធានីភ្នំពេញ បានត្រៀមលក្ខណៈទាំងកម្លាំង និងសម្ភារៈបច្ចេកទេស សម្រាប់ជាមធ្យោបាយ ចេញប្រតិបត្តិការរួចជាស្រេច ក្នុងការរក្សាការពារសន្តិសុខ សុវត្ថិភាព ​និងសណ្ដាប់ធ្នាប់ជូនប្រជាពលរដ្ឋ សម្រាប់បុណ្យចូលឆ្នាំថ្មីប្រពៃណីចិន-វៀតណាម នៅឆ្នាំ ២០២២នេះ ឲ្យបានល្អប្រសើរដូចឆ្នាំមុនៗដោយសហការជាមួយកម្លាំងមាន សមត្ថកិច្ចពាក់ព័ន្ធតាំងពីមុន រហូតបញ្ចប់ថ្ងៃបុណ្យឆ្លងឆ្នាំថ្មី ដោយបង្កលក្ខណៈឲ្យប្រជាពលរដ្ឋ បានធ្វើដំណើរកម្សាន្ដសប្បាយ និងទៅជួបជុំបងប្អូន នៅស្រុកកំណើតដោយសុវត្ថិភាព។ នេះបើតាមបញ្ជាក់ឲ្យដឹង ពីសំណាក់មន្ត្រីជាន់ខ្ពស់អាវុធហត្ថ រាជធានីភ្នំពេញ នាថ្ងៃទី ៣១ ខែមករានេះ។

ទន្ទឹមនឹងនេះដែរលោកឧត្តមសេនីយ៍ឯក រ័ត្ន ស្រ៊ាង បានចេញបទបញ្ជាដល់កម្លាំងអាវុធហត្ថទាំងអស់មិនត្រូវភ្លេចពីជំងឺរាតត្បាតដ៏កាចសាហាវកូវីដ-១៩នោះឲ្យសោះ ដោយត្រូវតែអនុវត្តន៍ដំបូងគេបំផុត គឺ ពាក់ម៉ាស់ គម្លាតបុគ្គល និងគម្លាតសង្គមតែម្តង រួមនឹងការធ្វើអានាម័យជាប្រចាំ ទើបជៀសផុតពីជំងឺកាចសាហាវមួយនេះ បាន។ 

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចេញបទបញ្ជាបែបនេះជាប្រចាំ ខណៈពេលចេញត្រួតពិនិត្យកម្លាំង និងសម្ភារៈបច្ចេកទេសយាន្តយន្តគ្រប់ប្រភេទ ដែលត្រូវប្រចាំការតាមគោលដៅ ជាច្រើនកន្លែងរាល់ថ្ងៃ រួមនឹងការពិនិត្យមើលភាព ទទួលខុសត្រូវរួមក្នុងការបង្ការ ការពារ ទប់ស្កាត់បទល្មើសដើម្បីរក្សាភាពកក់ក្តៅ ជូនប្រជាពលរដ្ឋ ក្នុងឪកាសបុណ្យចូលឆ្នាំថ្មីចិន-វៀតណាមនេះ។

លោកឧត្តមសេនីយ៍ឯក មេបញ្ជាការកងរាជអាវុធហត្ថរាជធានីភ្នំពេញ បានណែរនាំឲ្យមន្ត្រីអាវុធហត្ថទូទាំងរាជធានីភ្នំពេញទាំងអស់ បង្កើនការធ្វើអនាម័យ ដើម្បីបញ្ជៀសជំងឺរាតត្បាតកូវីដ-១៩ ជាពិសេសបំផុត ត្រូវអនុវត្តន៍នូវគម្លាតបុគ្គល និងគម្លាតសង្គមតែម្តង ដែលជាកត្តាសំខាន់ នៃការបញ្ជៀសជំងឺកូវីដ-១៩ ដ៏កាចសាហាវនេះបាន ពីព្រោះជំងឺរាតត្បាតមួយនេះ បានឆក់យកអាយុជីវិតមនុស្សជាច្រើននាក់ នៅលើពិភពលោក។

សូមជម្រាបថា ក្រៅពីអនុវត្តន៍នូវភារកិច្ច ដូចខាងលើរួចមកនោះ កម្លាំងអាវុធហត្ថផ្នែកអន្តរាគមន៍ ក្នុងទីបញ្ជាការ បានរៀនបំប៉នក្បាច់គុណចំបាប់ ស្នៀតចាប់បោក ចាប់កាច់ (ក្លេ) ចេញល្បាតក្បួនម៉ូតូ ឡានតាមដងផ្លូវដើ ម្បីបង្កើនសមត្ថភាព និងការពារខ្លួន ពេលប៉ះទង្គិចជាមួយជនសង្ស័យ។ ក្នុងនោះដែរកម្លាំងផ្សេងៗទៀត នាំគ្នាធ្វើលំហាត់ប្រាណ លេងកីឡា ដើម្បីសុខភាពល្អមាំងមួន បំពេញកាតព្វកិច្ចបន្តក្នុងនាមមន្ត្រីជាអ្នកបម្រើរាស្ត្រ ដោយភាពស្មោះត្រង់ មិនគិតនើយហត់ឬ យប់ថ្ងៃឡើយពិសេសឪកាសឈប់សម្រាក បុណ្យចូលឆ្នាំថ្មីនេះ ដែលកម្លាំងអាវុធហត្ថទាំងអស់ បន្តពង្រឹងរក្សាសន្តិសុខ ដោយកិច្ចការពារ ២៤ម៉ោងលើ ២៤ម៉ោងតែម្ដង៕

អត្ថបទ៖ វិមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម