សន្តិសុខសង្គម

កសិករក្នុងស្រុកបវេល ភ្ជួរស្រែប្រទះឃើញមីន ៣០ គ្រាប់

បានផុស

៤ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

សមត្ថកិច្ចនៃអធិការដ្ឋាន នគរបាលស្រុកបវេល បានទទួលគ្រាប់កាំភ្លើងមួយចំនួនពីប្រជាកសិករ បន្ទាប់ពីពួកគាត់កាប់ឆ្ការដីដំបូក និងភ្ជួរដីស្រែហើយបានប្រទះឃើញគ្រាប់ទាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៣ ខែសីហា ឆ្នាំ ២០២២ វេលាម៉ោង ១០:៣០ នាទី ព្រឹក កម្លាំងប៉ុស្តិ៍នគរបាលឃុំក្តុលតាហែន បានទទួលគ្រាប់ ១២:៧ មិនទាន់ផ្ទះ ៣០ គ្រាប់ ពីប្រជាពលរដ្ឋ ឈ្មោះ ចប កុច ភេទប្រុស អាយុ ៧១ ឆ្នាំ រស់នៅ ភូមិថ្មី ឃុំក្តុលតាហែន ស្រុកបវេល ខេត្តបាត់ដំបង ដើម្បីយកមករក្សាទុក។ ប្រជាកសិកររូបនេះបានបញ្ជាក់ថា នៅពេលគាត់កំពុងកាយដីដំបូកស្រែ ក៏បានប្រទះឃើញគ្រាប់ទាំងនេះតែម្តងដោយគ្រាប់ទាំងអស់នេះ កប់នៅក្នុងដី។

គួរបញ្ជាក់ថា កាលពីថ្ងៃទី ១ ខែសីហា កន្លងទៅថ្មីៗនេះ កម្លាំងអធិការដ្ឋាននគរបាល ស្រុកបវេល ក៏បានទទួលគ្រាប់ មិនទាន់ផ្ទះ ១ គ្រាប់ ពីប្រជាពលរដ្ឋ ឈ្មោះ សំ វណ្ណី ភេទប្រុស អាយុ ៥៥ ឆ្នាំ រស់នៅភូមិថ្មី ឃុំក្តុលតាហែន ស្រុកបវេល ផងដែរ ដែលជាប្រភេទគ្រាប់បេ ៤០ ដែលប្រជាកសិករបានកាយដំបូកស្រែ ក៏ប្រទះឃើញដូចគ្នា។ បច្ចុប្បន្ន គ្រាប់ទាំងអស់នេះ ត្រូវបានសមត្ថកិច្ច ប្រគល់ឲ្យស៊ីម៉ាក់យកទៅកម្ទេចហើយ៕

អត្ថបទ៖ សោ និយមរ័ត្ន