សន្តិសុខសង្គម

ផឹកថ្នាំបាញ់ស្មៅសម្លាប់ខ្លួន ព្រោះខឹងប្តីមិនយករូបខ្លួនតាំងក្នុងប្រូហ្វាល់ហ្វេសប៊ុក

បានផុស

១ year មុន

នៅ

ថ្ងៃចន្ទ ៣ តុលា ២០២២

ដោយ

នារីវ័យក្មេងម្នាក់ ដាច់ចិត្តសម្លាប់ខ្លួនដោយបានផឹកថ្នាំសម្រាប់បាញ់ស្មៅ បន្ទាប់ពីបានសុំឲ្យប្តីយករូបរបស់ខ្លួនតាំងនៅក្នុងប្រូហ្វាល់ហ្វេសប៊ុក តែប្តីមិនព្រមធ្វើតាម។ ហេតុការណ៍នៃការធ្វើអត្តឃាតនេះ បានកើតឡើងកាលពីថ្ងៃទី ២ ខែតុលា ឆ្នាំ ២០២២ វេលាម៉ោង ៦ និង ២៥នាទីព្រឹក ស្ថិតនៅចំណុចក្រុមទី ៨ ភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការអះអាងពីក្រុមគ្រួសារបានបញ្ជាក់ថា នារីរងគ្រោះមានឈ្មោះ ភិច ចិន ភេទស្រី អាយុ ២៧ឆ្នាំ រស់នៅក្នុងភូមិ ឃុំកើតហេតុខាងលើ ដោយមួយរយៈចុងក្រោយនេះគេតែងតែឮប្រកែកគ្នា ព្រោះនាងបានសុំឲ្យស្វាមីដាក់តាំងរូបថតរបស់ខ្លួនទៅក្នុងប្រូហ្វាល់ហ្វេសប៊ុករបស់ប្តី ប៉ុន្តែប្តីបានបដិសេធមិនព្រមធ្វើតាម។

លុះនៅព្រឹកថ្ងៃកើតហេតុ ប្តីក៏មិនដឹងថាប្រពន្ធរបស់ខ្លួនលួចងើបទៅផឹកថ្នាំបាញ់ស្មៅប្រភេទ (អាឆេះ) ពីពេលណាដែរ ទើបភ្លឺឡើងឃើញនាងស្លាប់បាត់ទៅហើយដោយមិនគួរណានាងគិតខ្លីបែបនេះសោះដោយសារតែខឹងហ្នឹងរឿងប៉ុណ្ណឹង។ ក្រោយពេលសមត្ថកិច្ចចុះទៅពិនិត្យក៏បានបញ្ជាក់ថា នាងពិតជាបានផឹកថ្នាំសម្លាប់ខ្លួនពិតប្រាកដមែន ព្រោះថ្នាំប្រភេទនេះជាប្រភេទថ្នាំមានឥទ្ធិពលខ្លាំងបំផុត។ បច្ចុប្បន្នសមត្ថកិច្ចបានប្រគល់សពទៅឲ្យក្រុមគ្រួសាររៀបចំធ្វើបុណ្យតាមប្រពៃណីហើយ៕