សន្តិសុខសង្គម
បន្ទាប់ពីផ្អាកអាជីវកម្មខ្សាច់នៅចាក់អង្រែធ្វើឲ្យផ្លូវជាតិលេខ២ និងផ្លូវ៦០ម៉ែត្ររលោងស្រិល
អ្នកធ្វើដំណើបានលាន់មាត់គ្រប់ៗគ្នាថា ចាប់តាំងពីអាជ្ញាធរសម្រេចផ្អាកអាជីវកម្មខ្សាច់ចំនួន៧ទីតាំងនៅចាក់អង្រែរួចមកគឺធ្វើឲ្យផ្លូវជាតិលេខ២ និងផ្លូវ៦០ម៉ែត្រប្រែក្លាយជារលោងស្រិលខុសប្លែកពីពេលមុនដែលសម្បូរទៅដោយកម្ទេចជ្រុះលើផ្លូវ។
តាមប្រភពពីបងប្រុស ឌឹម សុខ ដែលតែងធ្វើដំណើឆ្លងកាត់ផ្លូវជាតិលេខ ២ និងផ្លូវ៦០ម៉ែត្រក្នុងភូមិសាស្ត្រខណ្ឌមានជ័យ រាជធានីភ្នំពេញបានឲ្យដឹងថា អស់រយៈពេលជាច្រើនឆ្នាំមកហើយដែលផ្លូវជាតិលេខ២ និងផ្លូវ៦០ម៉ែត្របានរងការខូចខាតពិសេសកំទេចដីជ្រុះលើផ្លូវឲ្យស្រកាកប្រែក្លាយពីផ្លូវក្រាលកៅស៊ូទៅជាផ្លូវលំទៅហើយ។ ហើយក្នុងនោះក៏គេសង្កេតឃើញកម្លាំងអាជ្ញាធរចុះលាងសំអាតផ្លូវជារៀងរាល់ព្រឹកប៉ុន្តែយប់ឡើងគឺស្រកាកដដែល ដែលបង្កឡើងដោយរថយន្តដឹកខ្សាច់ខ្នាតយក្សដឹកខ្សាច់សើមហូជ្រុះពេញលើផ្លូវតែម្តង។
ដោយឡែកលោក ជា សុខៃ ចៅសង្កាត់ចាក់អង្រែក្រោមបានប្រាប់កម្ពុជាថ្មីនៅព្រឹកថ្ងៃទី ២៨ ខែតុលានេះថា លោកពិតជាទទួលស្គាល់ថាកន្លងមកផ្លូវជាតិលេខ២ និងផ្លូវ៦០ម៉ែត្រក្នុងភូមិសាស្ត្រសង្កាត់ចាក់អង្រែក្រោម សង្កាត់ចាក់អង្រែលើខណ្ឌមានជ័យរាជធានីភ្នំពេញពិតជាមានកំទេចខ្សាច់ជ្រុះលើផ្លូវពិតប្រាកដមែន។
ប៉ុន្តែនៅខែកក្កដាកន្លងមកអាជ្ញាធររាជធានីភ្នំពេញបានសម្រេចផ្អាកអាជីវកម្មខ្សាច់ចំនួន៧ទីតាំងដែលក្នុងនោះសង្កាត់ចាក់អង្រែក្រោម៤ទីតាំងនឹង៣ទីតាំងទៀតស្ថិតក្នុងសង្កាត់ចាក់អង្រែលើរួចមកគឺធ្វើឲ្យផ្លូវទាំង២ខ្សែបានល្អឡើងវិញបន្ទាប់ពីមន្ទីរសាធារណការបានធ្វើការជួសជុលចាក់ក្រាលកៅស៊ូលើកំណាត់ផ្លូវជាតិលេខ២រួចមក។
ក្នុងនោះលោក ជា សុខៃ ចៅសង្កាត់ចាក់អង្រែក្រោមបានធ្វើការគាំទ្រនូវការសម្រេចផ្អាកអាជីវកម្មខ្សាច់តាមបណ្តោយផ្លូវជាតិលេខ២ផងដែរ។ព្រោះបើសិននៅបន្តអាជីវកម្មខ្សាច់ដូចរាល់ឆ្នាំកន្លងមកគឺផ្លូវទាំងអស់នឹងរងការខូចខាតជាក់ជាពុំខាន៕
អត្ថបទ៖ នរា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ