សន្តិសុខសង្គម
បុរសម្ចាស់ផ្ទះ ៣ នាក់ ជាប់ពន្ធនាគារ ក្រោយបង្កហិង្សាទៅលើក្មេងទំនើងពីរនាក់
តុលាកាខេត្តកណ្ដាលនៅថ្ងៃទី ២៤ ខែវិច្ឆិកា ឆ្នាំ២០២២នេះ បានសម្រេចចេញដីកាឃុំខ្លួនបុរសជនសង្ស័យ ៣ នាក់ ដាក់ពន្ធនាគារបណ្ដោះអាសន្នពីបទហិង្សាដោយចេតនាតាមមាត្រា ២១៨ នៃក្រមព្រហ្មទណ្ឌ បន្ទាប់ពីក្រុមជនសង្ស័យបានធ្វើសកម្មភាពកាន់ពូថៅ និងបំពង់ទីបដេញវាយជនរងគ្រោះបណ្តាលឲ្យរងរបួសធ្ងន់ បន្ទាប់ពីជនរងគ្រោះយកដុំថ្មគប់ចូលផ្ទះជនសង្ស័យមុន។
អធិការក្រុងតាខ្មៅលោកវរសេនីយ៍ឯក យី វណ្ណដាបានឲ្យដឹងថា កាលពីវេលាម៉ោង ២៣៖០០ ថ្ងៃទី ២២ ខែវិច្ឆិកា បុរសជនរងគ្រោះ ២នាក់ម្នាក់ឈ្មោះ ញ៉ក់ បញ្ញា អាយុ២២ឆ្នាំ និងម្នាក់ទៀតឈ្មោះ ហែម សំណាង អាយុ២២ឆ្នាំ មុខរបរបើករថយន្តបានយកដុំថ្មគប់ចូលផ្ទះជនសង្ស័យ ពេលនោះជនសង្ស័យបានចេញពីក្នុងផ្ទះបើករថយន្តយកពីថៅ និងដំបងទីបជិះដើររកក្រុមក្មេងទំនើងនោះ។
នៅពេលជិះដល់ចំណុចកើតហេតុខាងលើក៏បានឃើញជនរងគ្រោះទាំង២នាក់កំពុងឈរជុះនោមហើយក៏បានចុះទៅ រួចហើយយកពូថៅ និងដំបងទីបដេញកាប់ និងវាយជនរងគ្រោះឈ្មោះហែម សំណាង បណ្តាលឲ្យមានរបួសស្នាមមុតជ្រៅត្រង់ខ្នងជាច្រើនកន្លែង បន្ទាប់ពីកាប់ និងវាយជនរងគ្រោះរួចក្រុមជនសង្ស័យបានលើកជនរងគ្រោះដាក់ក្នុងរថយន្តយកមកផ្ទះរបស់ខ្លួនដើម្បីសួរនាំ។
ក្រោយមកក៏ត្រូវសមត្ថកិច្ចក្រុងតាខ្មៅចុះអន្តរាគមន៍ឃាត់ខ្លួនជនសង្ស័យបាននិងវត្ថុតាងយកមកសាកសួរ និងចាត់ការតាមនីតិវិធីតែម្តង។
បុរសឯកជនត្រូវចោទ ៣ នាក់ ម្នាក់ឈ្មោះ អ៊ី ចាន់ថា អាយុ ៤២ ឆ្នាំ ឈ្មោះ អ៊ី ដារ៉ារិទ្ធ អាយុ ១៧ ឆ្នាំ និងម្នាក់ទៀតឈ្មោះ អ៊ី ចន្ដា អាយុ ៤០ ឆ្នាំ ទាំង ៣ នាក់រស់នៅក្រុងតាខ្មៅ ខេត្តកណ្ដាល៕
អត្ថបទ៖ ឆៃ យ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង