សន្តិសុខសង្គម
វេទិកាផ្សព្វផ្សាយ និងពិគ្រោះយោបល់ក្រុមប្រឹក្សារាជធានី អាណត្តិទី៣ បញ្ចប់ ត្រឹមខណ្ឌឫស្សីកែវ
ឫស្សីកែវ ជាខណ្ឌទី១៤ និងជាខណ្ឌចុងក្រោយបង្អស់ ដែលត្រូវបានរៀបចំ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ ក្នុងរយៈពេល ១ឆ្នាំម្តង ដើម្បីបញ្ជាក់ឱ្យប្រជាពលរដ្ឋបានដឹងពី សមិទ្ធិផលដែលសម្រេចបាន និងបញ្ហាប្រឈម ជាមួយនឹងការប្រាប់ពីស្ថានភាពហិរញ្ញវត្ថុរបស់រដ្ឋបាលរាជធានីភ្នំពេញ និងស្តាប់សំណើ និងសំណូមពររបស់ប្រជាពលរដ្ឋ ដើម្បីយកមកដោះស្រាយ។
ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៣ ជាលើកទី១៤ និងជាលើកចុងក្រោយបង្អស់នេះ ធ្វើឡើងនៅព្រឹក ថ្ងៃទី១៥ ខែធ្នូ ឆ្នាំ២០២២នេះ នៅខណ្ឌឫស្សីកែវ ក្រោមវត្តមាន លោក ម៉ប់ សារិន ប្រធានក្រុមប្រឹក្សារាជធានីភ្នំពេញ និង លោកស្រី កែវ សុខពិសី តំណាង លោក ឃួង ស្រេង អភិបាលរាជធានីភ្នំពេញ។
លោក ម៉ប់ សារិន ឡើងថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្ សារាជធានីភ្នំពេញ អាណត្តិទី៣ បានបញ្ចប់នៅត្រឹម ខណ្ឌឫស្សីកែវ ដោយសង្ឃឹមថា តាមរយៈវេទិកានេះនឹងផ្តល់ផលប្រយោជន៍យ៉ាងច្រើនទៅប្រជាពលរដ្ឋតាមរយៈការស្នើសុំ និងការលើកជាសំណូមពររបស់ពួកគាត់។ លោកបន្តថា វេទិកាផ្សព្វផ្សាយ និងពិគ្រោះយោបល់នេះ ត្រូវបានកំណត់ធ្វើឡើងមួយឆ្នាំម្តង សម្រាប់ខណ្ឌនីមួយៗដើម្បីស្វែងយល់ពីតំរូវការអាទិភាពជាក់ស្តែងរបស់ប្រជាពលរដ្ឋ។ តែវេទិកាបែបនេះត្រូវបានអាក់ខានអស់រយៈពេល ២ឆ្នាំ ដោយសារវិបត្តិ ជំងឺកូវីដ-១៩។
វេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សា រាជធានីភ្នំពេញ អាណត្តិទី៣ នេះ ប្រជាពលរដ្ឋបានលើកឡើងជាសំណើ និងសំណូមពរដោយផ្ទាល់មាត់ចំនួន ៤នាក់ និងជាលាយលក្ខណ៍អក្សរចំនួន ៣១សន្លឹក។ ចំពោះសំណើ និងសំណូមពរផ្ទាល់មាត់រួមមាន៖ ស្នើសុំតទឹកស្អាតសម្រាប់ប្រជាពើរដ្ឋ ៨០គ្រួសារ រស់នៅតាមដងទន្លេសាប ក្នុងសង្កាត់ច្រាំងចម្រះទី១ ស្នើសុំភ្លើងបំភ្លឺសាធារណៈ ធ្វើលូ ពង្រីកផ្លូវជាតិលេខ៥ ស្នើពន្យល់ពីការផ្តល់កម្មសិទ្ធិដីធ្លីសម្រាប់ប្រជាពលរដ្ឋរស់តាមបណ្តោយច្រាំងទន្លេ ស្នើសុំផ្តល់ប្រាក់ឧបត្ថម្ភដល់គ្រួសារអ្នកស្លាប់ដោយជំងឺកូវីដ-១៩ និងការសុំជួយអន្តរាគមន៍ដោះស្រាយបញ្ហាមិនប្រក្រតីមួយចំនួននៅក្នុងផ្សារថ្មីច្រាំងចម្រះ។
ចំពោះ សំណើ និងសំណូមពរខាងលើនេះ លោក ឯក ឃុនដឿន អភិបាល ខណ្ឌឫស្សីកែវ បានបញ្ជាក់ឱ្យដឹងថា ការស្នើសុំតទឹកស្អាតសម្រាប់ប្រជាពរដ្ឋ ៨០គ្រួសារ រស់នៅតាមដងទន្លេសាប ក្នុងសង្កាត់ច្រាំងចម្រះទី១ លោកទើបទទួលបាននៅពេលនេះ តែលោកសន្យាថា នឹងចុះទៅពិនិត្យជាក់ស្តែងជាមួយរដ្ឋាករទឹកស្វយ័តក្រុងភ្នំពេញ ដើម្បីតជូន តែត្រូវដាក់ពាក្យស្នើសុំ។ ចំពោះការស្នើសុំអគ្គិសនីបំភ្លឺសាធារណៈ ការសុំធ្វើលូ ពង្រីកផ្លូវជាតិលេខ៥ អាជ្ញាធរ និងមន្ទីរពាក់ព័ន្ធនឹងពិនិត្យលទ្ធភាព ដើម្បីដោះស្រាយ។
ចំពោះការស្នើសុំផ្តល់ប្រាក់ឧបត្ថមករណីស្លាប់ដោយជំងឺកូវីដ-១៩ លោក ឯក ឃុនដឿន បញ្ជាក់ថា អាជ្ញាធរបានដោះស្រាយលើបញ្ហានេះបាន ៤០គ្រួសារហើយ នឹងបន្តដោះស្រាយជាបន្តបន្ទាប់ទៀត ហើយចំពោះការស្នើសុំជួយអន្តរាគមន៍ដោះស្រាយបញ្ហាមិនប្រក្រតីមួយចំនួននៅក្នុងផ្សារថ្មីច្រាំងចម្រះ លោកសន្យាថា នឹងចាត់ការរឿងនេះ ដោយធ្វើរបាយការណ៍ទៅថ្នាក់រាជធានី ជាមួយនឹងការណែនាំឱ្យអ្នកអនុវត្តខុស កែប្រែឡើងវិញ៕
អត្ថបទ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង