សន្តិសុខសង្គម

សមត្ថកិច្ចជំនាញ ចុះបង្ក្រាបល្បែងជល់មាន់ខុសច្បាប់ និងឃាត់ខ្លួនបាន ៥ នាក់

បានផុស

៤ years មុន

នៅ

ថ្ងៃអាទិត្យ ៨ មករា ២០២៣

ដោយ

កាលពីថ្ងៃទី ៧ ខែមករា ឆ្នាំ ២០២៣ វេលាម៉ោង ១១ និង ៣០ នាទី កម្លាំងជំនាញការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត ក្នុងនោះដោយមានការសម្របសម្រួល នីតិវិធីពី លោក ហាង សម្បត្តិ ព្រះរាជអាជ្ញារងអមសាលាដំបូងខេត្តរតនគិរី បានចុះបង្ក្រាបទីតាំងល្បែងស៊ីសងខុសច្បាប់ (ជល់មាន់) មួយកន្លែង ត្រង់ចំណុចភូមិទូយ ឃុំទីងចាក់ ស្រុកបរកែវ ខេត្តរតនគីរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ឃាត់ខ្លួនជនសង្ស័យចំនួន ៥ នាក់ ៖

១-ឈ្មោះ គង់ ឈុំ ភេទប្រុស អាយុ ៥៤ ឆ្នាំ ជនជាតិខ្មែរ (អាជ្ញាកណ្ដាល) មុខរបរលក់ដូរ រស់នៅភូមិទូយ ឃុំទីចាក់ ស្រុកបរកែវ ខេត្តរតនគិរី។

២-ឈ្មោះ អាត វិបុល ភេទប្រុស អាយុ ៣៩ ឆ្នាំ ជនជាតិខ្មែរ មុខរបរលក់ដូរ រស់នៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។

៣-ឈ្មោះ អាន សុឃន់ ភេទប្រុស អាយុ ៣០ ឆ្នាំ ជនជាតិខ្មែរ មុខរបរកម្មករ រស់នៅភូមិប៉ាអ ស្រុកអូរជុំ ខេត្តរតនគិរី។

៤-ឈ្មោះ កើត សំអាត ភេទប្រុស អាយុ ៥៦ ឆ្នាំ ជនជាតិខ្មែរ មុខរបរកសិករ រស់នៅភូមិ-ឃុំទីងចាក់ ស្រុកបរកែវ ខេត្តរតនគិរី។

៥-ឈ្មោះ ស៊ា សុខឧត្ដម អាយុ ៣៥ ឆ្នាំ ជនជាតិខ្មែរ មុខរបរកម្មករ រស់នៅភូមិបាណុល ឃុំទីងចាក់ ស្រុកបរកែវ ខេត្តរតនគិរី។

សមត្ថកិច្ចបានបញ្ជាក់ថា ក្រោយការចុះបង្ក្រាបបានដកហូតវត្ថុតាងរួមមាន ៖

-បង់រុំមួយចំនួន

-ជញ្ជីងចំនួន ០១

-ម៉ូតូចំនួន ១០ គ្រឿង។

បច្ចុប្បន្នជនសង្ស័យទាំង ៥ នាក់ខាងលើ ត្រូវបានឃាត់ខ្លួនជាបណ្ដោះអាសន្ននៅការិយាល័យជំនាញព្រហ្មទណ្ឌកម្រិតស្រាល ដើម្បីបំពេញសំណុំរឿងចាត់ការបន្តតាមនីតិវិធីច្បាប់៕

អត្ថបទ ៖ វុទ្ធឦសាន

Related Topics:បង្រ្កាបកន្លែងជល់មាន់