សន្តិសុខសង្គម

ទុសេខ្សែភ្លើងឆេះផ្ទះអ្នកលក់អីវ៉ាន់ចាប់ហួយមួយខ្នង នៅក្នុងផ្សារពន្លៃសំណាងមិនឆេះរាលដាល

បានផុស

៣ years មុន

នៅ

ថ្ងៃចន្ទ ២៤ មេសា ២០២៣

ដោយ

កំពង់ឆ្នាំង ៖ ដោយសារការទុសេខ្សែភ្លើងអគ្គីភ័យមួយបានឆាបឆេះផ្ទះលក់ចាប់ហួយមួយកន្លែងនៅក្នុងផ្សារពន្លៃ និងដោយការអន្តរាគមន៍ពីរថយន្តពន្លត់អគ្គីភ័យទាន់ពេលវេលាទើបទប់ស្កាត់ការឆេះរាលដាលបានទាន់ពេល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះ បានកើតឡើងនៅម៉ោង៤និង៤៥នាទី ល្ងាចថ្ងៃទី២៤ ខែមេសា ឆ្នាំ២០២៣ នៅក្នុងផ្សារពន្លៃ ស្ថិតនៅក្នុងភូមិពន្លៃឃុំពន្លៃ ស្រុកបរិបូណ៍។

សមត្ថកិច្ចនគរបាលស្រុកបរិបូរណ៍បានឲ្យដឹងថា ក្នុងករណីខាងលើនេះសមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន ៥គ្រឿង ក្នុងនោះបួនគ្រឿងធ្វើដំណើរពីរស្នងការនគរបាលខេត្ត សហការជាមួយរថយន្ត ១គ្រឿងទៀតនៅក្នុងអធិការនគរ បាលស្រុកបរិបូរណ៍ ដោយបានប្រើទឹកអស់អស់ទឹក៥រថយន្ត ដើម្បីអន្តរាគមន៍ទើបទប់ស្កាត់ឆេះរាលដាលបានទាន់ពេលវេលា។

សមត្ថកិច្ចបានឲ្យដឹងទៀតថា ម្ចាស់ផ្ទះមានឈ្មោះ ស ចំរើន ភេទស្រី មករបរលក់ដូរអីវ៉ាន់ចាប់ហួយនៅក្នុងផ្សារហើយករណីអគ្គីភ័យនេះបានកើតឡើងដោយសារការទុសេខ្សែភ្លើងពេលម្ចាស់មិននៅផ្ទះ។ ដោយប្រជាពលរដ្ឋនៅផ្ទះជិតផ្ទះកើតហេតុបានឃើញផ្សែងហុយចេញពីផ្ទះជនរងគ្រោះរួចក៏មានអណ្តាតភ្លើងឆាបឆេះតែម្តង។ ករណីខាងលើនេះក៏បានបង្កការខូចខាតអីវ៉ាន់ចាបហួយសរុបអស់ប្រមាណ២ម៉ឺនដុល្លារផងដែរ។

នៅក្នុងហេតុការណ៍ខាងលើនេះក៏មានវត្តមានលោកជំទាវ កែច័ន្ទមុន្នី អ្នកតំណាងរាស្ត្រមណ្ឌលកំពង់ឆ្នាំង និងលោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំងបានចុះទៅដល់កន្លែងកើតហេតុនិង ដឹកនាំបញ្ជាការអន្តរាគមន៍ពន្លត់អគ្គីភ័យខាងលើនេះផងដែរ៕

ដោយ ៖ ឈៀងថារិទ្ធ