សន្តិសុខសង្គម

ភ្ជួរដីចំការដាំពោត ប៉ះមីនតោន១គ្រាប់ ផ្ទុះបណ្ដាលឲ្យអ្នកបើកបរស្លាប់ម្នាក់

បានផុស

៧ ម៉ោង មុន

នៅ

ថ្ងៃពុធ ១០ ឧសភា ២០២៣

ដោយ

បាត់ដំបង ៖ ត្រាក់ទ័រ១គ្រឿងត្រូវបានខ្ទេច រួមនឹងអ្នកបើកបរម្នាក់ក៏ត្រូវបានស្លាប់ ខណៈដែលកំពុងភ្ជួរដីចំការដើម្បីដាំពោតក៏ស្រាប់តែភ្ជួរប៉ះចំគ្រាប់មីន១គ្រាប់ផ្ទុះផ្អើលអ្នកស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនៅថ្ងៃទី៩ ខែឧសភា ឆ្នាំ២០២៣ វេលាម៉ោង១២និង១០នាទីចំណុចផ្ទះ អូរត្រាង ស្ថិតក្នុងភូមិឈើទាល ឃុំសិរីមានជ័យ ស្រុកសំពៅលូន ខេត្តបាត់ដំបង។

ជនរងគ្រោះឈ្មោះ ង៉ែត ណារ៉ុង ភេទប្រុស អាយុ៣៥ឆ្នាំរស់នៅភូមិពោជ្រៃ ឃុំសិរីមាជ័យ ស្រុកសំពៅលូន ខេត្តបាត់ដំបង បានបាត់បង់ជីវិត ខណៈកំពុងបើកត្រាក់ទ័រភ្ជួរដីដាំពោត និងត្រាក់ទ័រ១គ្រឿងខូចខាតទាំងស្រុង។

ប្រភពពីកន្លែង កើតហេតុបានបញ្ជាក់ថា ចំណុចផ្ទុះមីនខាងលើពីមុនមកគឺមិនដែលបានភ្ជួរនោះទេ។ ក្រោយកើតហេតុ សមត្ថកិច្ចបានចុះដល់កន្លែងកើតហេតុ ធ្វើរបាយការណ៍ និងប្រគល់សពឲ្យក្រុមគ្រួសារធ្វើបុណ្យតាមប្រពៃណី៕

ដោយ ៖ សៅ សារិទ្ធ