សន្តិសុខសង្គម

លោកអធិការរងខណ្ឌច្បារអំពៅ ដាច់សរសៃឈាមខួរក្បាលស្លាប់មួយចំហៀងខ្លួន

បានផុស

១១ ខែ មុន

នៅ

ថ្ងៃពុធ ១០ ឧសភា ២០២៣

ដោយ

ភ្នំពេញ ៖ លោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុក សណ្តាប់ធ្នាប់ចរាចរណ៍បានដាច់សរសៃឈាមខួរក្បាលស្លាប់មួយចំហៀងខ្លួន។

តាមប្រភពពីលោកគ្រី ហ៊ុច មន្ត្រីប្រចាំការសាលាខណ្ឌច្បារអំពៅនិងជាមិត្តភក្រ័ជិតស្និទ្ធបានប្រាប់កម្ពុជាថ្មីនេះថា នៅវេលាម៉ោង១១ព្រឹក ថ្ងៃទី១០ ខែឧសភានេះ លោកវរសេនីយ៍ទោ ឯក សារ៉ន អធិការរងនគរបាលនគរបាលខណ្ឌច្បារអំពៅ កំពុងចុះសម្រួលចរាចរណ៍លើកំណាត់ផ្លូវជាតិលេខ១ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ក៏ស្រាប់តែមានអាការៈវិលមុខហើយភ្លាមៗនោះកម្លាំងនគរបាលបានទូរសព្ទទៅរថយន្តសង្គ្រោះរបស់មន្ទីរពេទ្យបង្អែកខណ្ឌច្បារអំពៅដឹកយកទៅធ្វើការសង្គ្រោះនៅមន្ទីរពេទ្យជោរី ដែលស្ថិតនៅក្បែរចំណុចដែលលោកអធិការរងកំពុងបំពេញការងារ។

លោកគ្រី ហ៊ុច បានបញ្ជាក់ថា មកដល់វេលាម៉ោង៨និង០០នាទីយប់ថ្ងៃដដែលនេះ ស្ថានភាពជំងឺរបស់លោកអធិការរងគឺដាច់សរសៃឈាមខួរក្បាលស្លាប់មួយចំហៀងខាងស្តាំ និងប៉ះពាល់ដល់បេះដូងទៀតផង។

ប្រភពពីមន្ត្រីនគរបាលរួមការងារបានឲ្យដឹងថា លោកវរសេនីយ៍ទោ ឯក សារ៉ន តែងងើបពីដំណេកនាពេលទៀបភ្លឺរាល់ថ្ងៃដើម្បីសម្រួលចរាចរណ៍តាមដងផ្លូវទើបជួបជំងឺលើសសម្ពាធឈាមបែបនេះទៅ៕

ដោយ ៖ នរា