រដ្ឋបាលខេត្តកែបណែនាំឲ្យពលរដ្ឋផ្អាកលក់ដូរ និងពិសារគ្រឿងស្រវឹងមុនថ្ងៃបោះឆ្នោតមួយថ្ងៃ

នាថ្ងៃទី១៩ ខែកក្កដា ឆ្នាំ២០២៣នេះ រដ្ឋបាលខេត្តកែប បានចេញលិខិតណែនាំដល់ពលរដ្ឋស្ដីពីការលក់ដូគ្រឿងស្រវឹង និងផ្អាក់ពិសាមុនមួយថ្ងៃ នៅមុនថ្ងៃបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ខាងមុខនេះ។ រដ្ឋបាលខេត្តកែបតម្រូវឧ្យផ្អាកចាប់ពីថ្ងៃទី២២ ខណៈពេលនៅថ្ងៃទី២៣ ខែកក្កដា ឆ្នាំ២០២៣ គឺជាថ្ងៃបោះឆ្នោតជ្រើសរើសតាំងតំណាងរាស្ត្រ។

ការចេញសេចក្ដីណែនាំនេះ គឺដើម្បីធានាដល់ការសុវត្ថិភាពនៅក្នុងការបោះឆ្នោតជ្រើសរើសតាំងតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ដើម្បីបានប្រព្រឹត្តទៅដោយសេរី ត្រឹមត្រូវ និងយុត្តិធម៌ ដោយគ្មានអំពើហិង្សា និងគ្មានការគំរាមកំហែង គ្មានការបំភិតបំភ័យ និងគ្មានបាតុភាពនានា ដែលអាចកើតមានឡើងដោយ​សារគ្រឿងស្រវឹង ស្របតាមច្បាប់បទបញ្ជា និងនីតិវិធីសម្រាប់ការបោះឆ្នោតជ្រើសរើសតាំងតំណាងរាស្ត្រនៅ ថ្ងៃទី២៣ខែកក្កដាឆ្នាំ២០២៣ខាងមុខ៕

អត្ថបទ៖ សឹង រ៉ាត់