ឆ្លងចរន្តអគ្គិសនី ឆេះតូបលក់ដូរនៅផ្សារបុរីសន្តិភាព ២ រងការខូចខាតអស់ជាច្រើនតូប

តូបលក់ដូរនៅក្នុងផ្សារបុរីសន្តិភាព ២ ចំនួន ៤២០តូប ត្រូវបានអគ្គិភ័យឆាបឆេះស្ទើរទាំងស្រុង​ កាលពីវេលាម៉ោង ១ និង ០០នាទីយប់រំលងអាធ្រាត្រ ឈានចូលថ្ងៃទី ២៨ ខែវិច្ឆិកា ឆ្នាំ ២០២៣ ក្នុងផ្សារបុរីសន្តិភាព ២ ស្ថិតនៅភូមិ ដំណាក់ត្រយឹង សង្កាត់ចោមចៅទី ២ ខណ្ឌពោធិ៍សែនជ័យ។

តាមប្រភពព័ត៌មាន បានឲ្យដឹងថា ​ក្រោយពីទទួលព័ត៌មានភ្លាម កម្លាំងសមត្ថកិច្ចមូលដ្ឋាន បានចុះទៅដល់ចំណុចកើតហេតុ និងទាក់ទងទៅមន្ត្រីជំនាញបង្ការ និងពន្លត់អគ្គិភ័យគ្រប់អង្គភាព បានចេញរថយន្តទៅអន្តរាគមន៍ភ្លាមៗ។

សមត្ថកិច្ច បានបញ្ជាក់ថា​ ក្នុងហេតុការណ៍គ្រោះអគ្គិភ័យខាងលើនេះ បានឆាបឆេះតូបលក់ដូរបស់អាជីវកចំនួន ៤២០តូប ហើយសមត្ថកិច្ចបានប្រើប្រាស់ រថយន្តពន្លត់អគ្គិភ័យជាច្រើនគ្រឿង។ អគ្គិភ័យនេះ បានរលត់ទាំងស្រុង នៅវេលាម៉ោង ៨ និង១៥នាទីព្រឹក ថ្ងៃទី ២៨ ខែវិច្ឆិកា ឆ្នាំ ២០២៣នេះ៕ ​

អត្ថបទ៖ សុខា