ផ្ទុះមីនតោននៅស្រុកសំឡូត បុរសម្នាក់រងរបួសធ្ងន់

បុរសម្នាក់បានរងរបួសធ្ងន់ បន្ទាប់ពីបើកត្រាក់ទ័រភ្ជួរដីចម្ការមួយកន្លែងិនចំគ្រាប់មីនតោនបណ្ដាលឱ្យផ្ទុះឡើង។

ហេតុការណ៍នេះ បានកើតឡើងកាលពីវេលាម៉ោង ៩៖៣០ ថ្ងៃទី ៨ ខែធ្នូ ឆ្នាំ ២០២៣ ស្ថិតនៅចំណុចដីចម្ការមួយកន្លែងក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ដែលសំឡេងផ្ទុះនេះបានបង្កឲ្យខូចខាតត្រាក់ទ័រមួយគ្រឿងយ៉ាងដំណំ ដោយឡែកអ្នកបើកបរក៏រងរបួសធ្ងន់ និងផ្ទៃមុខ។

លោក កែវ វិបុល នាយប៉ុស្តិ៍នគរបាលរដ្ឋបាលស៊ុងបានបញ្ជាក់ថា ក្រោយទទួលបានព័ត៌មាន​ លោកក៏បានដឹកនាំកម្លាំងចុះទៅពិនិត្យជាក់ស្ដែងនៅកន្លែងកើតហេតុគឺសង្កេតឃើញថា ត្រាក់ទ័រមានការខូចខាតមួយកំណត់ខាងមុខដោយសារ​តែ​កង់មុខបានកិនចំទៅលើគ្រាប់មីនតោនដែលនៅសេះសល់ពីសម័យសង្គ្រាមដោយឡែកបុរសជនរងគ្រោះមានឈ្មោះ ភន អាយុ ២៨ ឆ្នាំ ស្នាក់នៅភូមិស្វាយជ្រុំ ឃុំកំពង់ល្ពៅ ស្រុកសំឡូត។

ភ្លាមៗនោះដែរទាំងក្រុមគ្រួសារសាច់ញាតិក៏ដូចជាកម្លាំងសមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យយ៉ាងបន្ទាន់ដើម្បីព្យាបាល៕

អត្ថបទ៖ សោ និយមរ័ត្ន