អគ្គិភ័យឆេះតូបលក់ដូរក្នុងផ្សារពោធិ៍ចិនតុងអស់​៣តូប និងសម្ភារមួយចំនួន

អគ្គិភ័យមួយបានឆាបឆេះតូបលក់ដូរក្នុងផ្សារពោធិ៍ចិនតុងយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាពលរដ្ឋ និងអាជីវករ​រាយការណ៍ទៅសមត្ថកិច្ចហៅរថយន្តពន្លត់អគ្គិភ័យចុះអន្តរាគមន៍កាលពីវេលាម៉ោង១១និង៥០នាទីព្រឹក ថ្ងៃទី១៧ ខែមករា ឆ្នាំ២០២៣ ស្ថិតនៅតាមបណ្តោយផ្លូវសហព័ន្ធរុស្ស៊ី ក្នុងភូមិប៉ប្រកជេីង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញមានផ្សែងហុយចេញពីតូបលក់មាសផ្នែកខាងលេីយ៉ាងសន្ធោសន្ធៅ ភ្លាមនោះបងប្អូនអាជីវកបាននាំគ្នាយកបំពង់ពន្លត់អគ្គិភ័យមកបាញ់ពន្លត់តែមិនអាចគ្រប់គ្រងបានទេីបរាយការណ៍ទៅអាជ្ញាធរមានសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ភ្លាមៗ។

ក្រោយពីទទួលបានព័ត៌មានភ្លាម ក្រុមមន្ត្រីបង្ការ និងពន្លត់គ្រោះអគ្គិភ័យជាច្រេីនបានចុះទៅដល់ចំណុចកេីតហេតុដេីម្បីបាញ់ពន្លត់ទប់ស្កាត់មិនឱ្យរាលដាលដល់តូបផ្សេងទៀត។ សមត្ថកិច្ចបានបញ្ជាក់ថា ក្នុងគ្រោះអគ្គិភ័យខាងលេីនេះ​បានឆាបឆេះតូបលក់ដូរចំនួន៣តូបរងការខូចខាតសម្ភារៈមួយចំនួន ចំណែកមូលហេតុបណ្តាលមកពីឆ្លងចរន្តអគ្គិសនី៕

អត្ថបទ៖ សុខា