សន្តិសុខសង្គម
ថៃបាញ់ពលរដ្ឋខ្មែរម្នាក់រងរបួស ពេលចូលឆ្លុះសត្វឆ្លងដែនពេលយប់
បុរសរងគ្រោះម្នាក់ក្នុងចំណោមបក្សពួក ៣ នាក់ ត្រូវបានបញ្ជូនទៅកាន់មន្ទីរពេទ្យខេត្តទាំងយប់ខណៈពួកគេទាំង ៣ នាក់ នាំគ្នាដើរកាត់ព្រៃដើម្បីឆ្លុះបរបាញ់សត្វនាពេលយប់ ហើយបានជ្រុលចូលទៅក្នុងដីថៃធ្វើឲ្យទាហានថៃបាញ់សំដៅមកតែម្ដង។
យោងតាមរបាយការណ៍របស់សមត្ថកិច្ចបានឲ្យដឹងថា នៅវេលាម៉ោងពីររំលងអាធ្រាត្រឈានចូលថ្ងៃទី ១៧ ខែមករា ឆ្នាំ២០២៤ មានប្រជាពលរដ្ឋចំនួន ៣ នាក់ ដែលជាអ្នករស់នៅក្នុងស្រុកសំឡូតខេត្តបាត់ដំបង បាននាំគ្នាដើរឆ្លុះសត្វក្នុងព្រៃដើម្បីបរបាញ់ដោយប្រើប្រាស់អាវុធកែច្នៃ (កាំភ្លើងស្នប់បាញ់គ្រាប់កង់)។
លុះនៅពេលដែលជនរងគ្រោះទាំង ៣ នាក់ទៅដល់ត្រង់ចំណុចព្រំប្រទល់វរៈការពារព្រំដែនគោកលេខ ៣១០ និង វរ:ព្រំដែនគោកលេខ ៨២៣ ស្ថិតក្នុងភូមិវរ:ជ័យ ឃុំសំឡូត ស្រុកសំឡូត ក៏បានឆ្លងដែនចូលទៅក្នុងទឹកដីថៃដែលទីនោះស្ថិតក្នុងភូមិសាស្ត្រឃុំដានជុំផុន ស្រុកបររ៉ៃ ខេត្តត្រាត ក៏ស្រាប់តែភាគីថៃប្រើប្រាស់អាវុធបាញ់ជាច្រើនគ្រាប់ធ្វើឲ្យម្នាក់រងរបួស ហើយក៏បាននាំគ្នារត់បន្តមកកាន់ទឹកដីខ្មែរវិញ ព្រមទាំងបានបញ្ជូនជនរងគ្រោះទៅកាន់មន្ទីរពេទ្យខេត្តបាត់ដំបងទាំងយប់។
ជនរងគ្រោះដែលរងការបាញ់ប្រហារពីភាគីថៃនោះមានឈ្មោះ កែវ ហៃ ភេទប្រុស អាយុ ៣២ ឆ្នាំ ជាប្រជាពលរដ្ឋរស់នៅភូមិស្រែអណ្ដូង ក្នុងឃុំសំឡូត។
បើតាមការលើកឡើងពីអ្នកច្បាប់មួយចំនួនបាននិយាយថាការចុះហត្ថលេខារវាងភាគីទាំងពីរ កម្ពុជាថៃ លើ MOU កាលពីឆ្នាំ ២០០១ គឺភាគីថៃមិនបានគោរពលើកិច្ចព្រមព្រៀងនេះឡើយ បើទោះបីជាមានបទល្មើសប៉ុណ្ណឹងក្តី ក៏មិនគួរណាភាគីថៃប្រើប្រាស់អាវុធបាញ់ទៅលើពលរដ្ឋស្លូតត្រង់បែបនេះឡើយ៕
អត្ថបទ៖ សោ និយមរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង