ដុតសំរាមរាលដាលឆេះផ្ទះពលរដ្ឋអស់២ខ្នងទាំងស្រុង

ផ្ទះប្រជាពលរដ្ឋចំនួន២ខ្នងត្រូវបានអគ្គិភ័យឆាបឆេះអស់គ្មានសល់បង្កការភ្ញាក់ផ្អេីលដល់បងប្អូនប្រជាពលរដ្ឋ និងសមត្ថកិច្ចចុះអន្តរាគមន៍ដោយផ្តេីមចេញដោយសារដុតសំរាម។

ហេតុការណ៍នេះបង្កការភ្ញាក់ផ្អេីលកាលពីវេលាម៉ោង០១និង២០នាទីរំលងអាធ្រាត្រឈានចូលថ្ងៃទី១៣ ខែមីនា ឆ្នាំ២០២៤ នៅចំណុច ផ្លូវរថភ្លើង ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ម្ចាស់ផ្ទះទី១មានឈ្មោះ អ៊ុក ចាន់ថន ភេទ ប្រុស អាយុ៥៤ឆ្នាំ ជនជាតិខ្មែរ មុខរបររត់ម៉ូតូកង់បី។ ទី២មានឈ្មោះ ជុំ ញៀនពិសិដ្ឋ ភេទប្រុស អាយុ៤១ឆ្នាំ ជនជាតិខ្មែរ មុខរបររត់ម៉ូតូកង់បី។

មូលហេតុនៃការឆាបឆេះខាងលេីបណ្តាលមកពីការដុតសំរាមក្បែរផ្ទះហេីយបានរាលដាលតែម្តង។ ផ្ទះដែលត្រូវបានអគ្គិភ័យឆាបឆេះនោះជាប្រភេទឈេី ស័ង្កសី មានទំហំ ០៨ម៉ែត្រx១៥ម៉ែត្រ និងខូចខាតទាំងស្រុងតែមិនមានមនុស្សរងរបួសនោះទេ។

ក្នុងរង្វង់ប្រតិបត្តិការខាងលេីនេះដែរ កងកម្លាំងរបស់ការិយាល័យនគរបាលបង្ការពន្លត់អគ្គិភ័យ និងសង្គ្រោះបានប្រេី ប្រាស់រថយន្តអគ្គិភ័យចំនួន១៥គ្រឿង ប្រេីប្រាស់ទឹកអស់ចំនួន១៥រថយន្ត ស្មើរនឹង ៩០ម៉ែត្រគូប ។
រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១ គ្រឿងប្រើប្រាស់ទឹកអស់ចំនួន ០១ រថយន្ត ស្មើនឹង ០៦ម៉ែត្រគូប ។
រថយន្ត អគ្គិភ័យក្រុមហ៊ុន OCIC ចំនួន ០៣ គ្រឿង ប្រើប្រាសទឹកអស់ ០៣ រថយន្ត ស្មើនឹង ១៨ ម៉ែត្រគូប ។
នៅវេលាម៉ោង ០២នឹង៣០នាទី នាថ្ងៃខែ ឆ្នាំដដែលអគ្គិភ័យត្រូវបានគ្រប់គ្រងបានទាំងស្រុង៕

អត្ថបទ៖ សុខា