នាំគ្នាទៅព្រោះស្រូវពេលមេឃភ្លៀង រន្ទះបាញ់ស្លាប់​មនុស្ស ២ នាក់

នៅវេលាម៉ោ​ងប្រហែលជា ៣ រសៀល មានធ្លាក់ភ្លៀងរលឹមស្រិចៗ លាយឡំជាមួយ​ផ្គររន្ទះបានបាញ់មនុស្សស្លាប់ ២ នាក់ ៣ នាក់រ​ងរបួសធ្ងន់ និង ២ ​នាក់ទៀតរងរបួស​ស្រាល។

រឿងរាវនេះកើតឡើងនៅ វេលា ម៉ោង ៣ រសៀលថ្ងៃទី១៩ ខែឧសភា​ ឆ្នាំ២​០២៤ នៅចំណុចខាងត្រពាំងតា​ង៉ឹន​៣០០ ម៉ែត្រ ស្ថិតក្នុងភូមិអំពិលកោង ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។

លោកវរសេនីយ៍ឯក ប៉ិក គឹមហ៊ាក អធិការនគរបាលស្រុកភ្នំស្រុក បានប្រាប់អ្នកយកព័ត៍មានឲ្យដឹងថា ជនរង​គ្រោះដោ​យ​សាររន្ទះបាញ់បានស្លាប់ ២ នាក់ ១ ឈ្មោះ ជុន ភាព ភេទប្រុស អាយុ ៣១ ឆ្នាំ រស់នៅភូមិអំពិលកោង ឃុំណាំតៅ ស្រុក​ភ្នំស្រុក ស្លាប់ ២.ឈ្មោះ ថ្លាង ធា ភេទប្រុស អាយុ ២៥ ឆ្នាំ ភូមិអំពិលកោង ឃុំណាំតៅ ស្រុកភ្នំស្រុក ស្លាប់។​ ចំណែក ៥ នាក់របួសធ្ងន់ស្រាល មាន​ ឈ្មោះ យង់ បែន ភេទប្រុស អាយុ៦០ឆ្នាំ ភូមិអំ​ពិលកោង ឃុំណាំតៅ ស្រុកភ្នំស្រុក របួសធ្ងន់, ឈ្មោះ បិ​ន រ៉ា ភេទប្រុស ​អាយុ ៤០ ឆ្នាំ ភូមិអំពិលកោង ឃុំណាំតៅ ស្រុកភ្នំស្រុក របួសធ្ងន់ ឈ្មោះ ឌុំ ឆាត់ ភេទប្រុស អាយុ ៥៦ ឆ្នាំ ភូមិអំពិលកោង ឃុំណាំតៅ ស្រុកភ្នំស្រុក របួសធ្ងន់ ឈ្មោះ សុខ មាគ ភេទប្រុស អាយុ ២២ ឆ្នាំ ភូមិអំពិលកោង ឃុំណាំតៅ ស្រុកភ្នំស្រុក របួសស្រាល និង​ឈ្មោះ ជ្រឹង តុន ភេទ​ប្រុស អាយុ ៤៩ ឆ្នាំ ភូមិអំពិល​កោង ឃុំណាំតៅ ស្រុកភ្នំស្រុក។

លោកវរសេនីយ៍ឯក ប៉ិក គឹមហ៊ាក អធិការនគរបាលស្រុកភ្នំស្រុកបានឲ្យដឹងបន្តទៀតថា នៅមុនពេលកើត​ហេតុ ជនរង​គ្រោះទាំង ៧ ​នាក់បាន​ទៅព្រួសស្រូវនៅ​ចំណុចត្រពាំង​តាង៉ឹន ខាងជើងភូមិអំពិលកោង ឃុំណាំតៅ ស្រុកភ្នំស្រុកលុះម៉ោងប្រហែស ៤ ល្ងាច ស្រាប់តែមានធ្លាក់ភ្លៀងរលឹមស្រិចៗ លាយឡំជាមួយ​ផ្គររន្ទះយ៉ា​ងខ្លាំង ស្របពេលនោះជនរងគ្រោះបាននាំគ្នារត់​ទទៅជ្រកនៅក្រោមម្លប់ដើមស្តៅនៅក្បែរនោះ ក៏ស្រាប់​តែរន្ទះបាញ់ចំកន្លែងមនុស្សជ្រកបណ្តាល​​ឲ្យមនុស្ស ២ នាក់ស្លាប់​មនុស្សនៅនឹងកន្លែង ៣ នាក់ រ​ងរបួសធ្ងន់ និង ២ ​នាក់ទៀតរងរបួស​ស្រាល។

លោកវរសេនីយ៍ឯក ប៉ិក គឹមហ៊ាក បានបញ្ជាក់ឲ្យដឹងបន្តទៀតថា ជនរង​គ្រោះ​រងរបួសធ្ងន់ស្រាលត្រូវ​បាន​​ក្រុមការងារពេទ្យដឹកយក​ទីសំរាក​ព្យាបាលទៅមន្ទីរពេទ្យ។ ចំណែកជន​រងគ្រោះ​ដែលបាត់​បង់ជីវិត​ត្រូ​វក្រុមគ្រួសាររៀប​ចំធ្វើបុណ្យតាមប្រ​ពៃណី៕

អត្ថបទ៖ វ៉ាន់ ណាង