សន្តិសុខសង្គម

ស្ត្រីចំណាស់ម្នាក់ ត្រូវជនមិនស្គាល់មុខកាប់ដាច់.ក ពេលកំពុងដើរតាមផ្លូវ

បានផុស

២ years មុន

នៅ

ថ្ងៃសៅរ៍ ៦ កក្កដា ២០២៤

ដោយ

ស្ត្រីវ័យចំណាស់ម្នាក់ បានដួលស្លាប់ទាំងជំហរភ្លាមៗ ខណៈដែលកំពុងដើរលើដងផ្លូវ ក៏ត្រូវជនមិនស្គាល់មុខជិះកង់មកពីក្រោយដកដាវកាប់ផ្ដាច់កញ្ចឹងកតែម្ដង រួចហើយបានជិះកង់គេចខ្លួនបាត់ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅរសៀលថ្ងៃទី ៦ ខែកក្កដា ឆ្នាំ ២០២៤ នេះ លើកំណត់ផ្លូវលំមួយកន្លែង ភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។

បើតាមការអះអាងពីក្រុមគ្រួសារសាច់ញាតិបានបញ្ជាក់ថា ជនរងគ្រោះមានឈ្មោះ ហោ ប៉ុក ភេទស្រី អាយុ ៧៧ ឆ្នាំ រស់នៅក្បែរទីតាំងកើតហេតុខាងលើ ដោយនៅមុនពេលកើតហេតុស្ត្រីរងគ្រោះបានធ្វើដំណើរដោយថ្មើរជើងចេញពីផ្ទះទៅទិញសាប៊ូ លុះនៅពេលត្រឡប់មកវិញក៏ត្រូវជនមិនស្គាល់មុខដែលជិះកង់តាមដងផ្លូវបានដកដាវកាប់ទៅលើកញ្ចឹងក បណ្ដាលឲ្យបំពង់កស្ទើរដាច់ទាំងស្រុង រួចហើយយុវជនដែលជាជនបង្កហេតុបានជិះកង់គេចខ្លួនបាត់ស្រមោល។

បើតាមការចុះពិនិត្យកាមេរ៉ាសុវត្ថិភាពនៅតាមដងផ្លូវ សមត្ថកិច្ចបានសង្កេតឃើញថា យុវជនជាជនសង្ស័យ ពាក់អាវពណ៌ក្រហម ស្លៀកខោខោវប៊យ ប្រើអាវសចងក្បាល បច្ចុប្បន្នកម្លាំងកំពុងស្វះស្វែងរកគ្រប់ច្រកល្ហក ដើម្បីឃាត់ខ្លួនជនបង្កយកមកផ្ដន្ទាទោសតាមផ្លូវច្បាប់៕

អត្ថបទ ៖ សោ និយមរ័ត្ន