សន្តិសុខសង្គម

ឃាត់ខ្លួនអ្នកលួចម៉ូតូ និងអ្នកសមគំនិត ខណៈលួចបានហើយយកទៅលក់តែគ្មានអ្នកទិញ

បានផុស

២ years មុន

នៅ

ថ្ងៃសុក្រ ២០ កញ្ញា ២០២៤

ដោយ

កាលពីវេលាម៉ោង ១៩ និង ៣៩ នាទី ថ្ងៃទី ១៩ ខែកញ្ញា ឆ្នាំ ២០២៤ ប៉ូលិសប៉ុស្តិ៍ច្បារអំពៅ១ ខណ្ឌច្បារអំពៅ បានធ្វើការឃាត់ខ្លួនជនសង្ស័យ ២ នាក់ ដោយម្នាក់ជាអ្នកលួច និងម្នាក់ទៀតជាអ្នកសមគំនិត ខណៈលួចម៉ូតូបានហើយ យកទៅលក់ គ្មានអ្នកទិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនសង្ស័យម្នាក់ ឈ្មោះ ខ្មៅ បានធ្វើសកម្មភាពលួចម៉ូតូ ១ គ្រឿង នៅមុខបន្ទប់ជួល ភូមិដើមម៉ាកក្លឿ សង្កាត់ច្បារអំពៅ ១ កាលពីវេលាម៉ោង ១០ ព្រឹក ថ្ងៃទី ១៦ ខែកញ្ញា ឆ្នាំ ២០២៤ របស់ជនរងគ្រោះឈ្មោះ លឿង គួង ភេទប្រុស អាយុ ៦៣ ឆ្នាំ ជនជាតិវៀតណាម មុខរបរនៅផ្ទះ ស្នាក់នៅផ្ទះកើតហេតុខាងលើ។

សមត្ថកិច្ចបន្តថា បន្ទាប់ពីលួចបានហើយ ឈ្មោះ ខ្មៅ បានជិះម៉ូតូគេចខ្លួន ដោយដោះស្លាកលេខម៉ូតូបោះចោល ហើយជិះទៅជួបបក្ខពួកឈ្មោះ នឹម ណាន ប្រាប់ថា «ម៉ូតូនេះអញលួចពីគេ» រួចក៏នាំគ្នាជិះម៉ូតូទៅរកលក់ឲ្យគេ តែគ្មានអ្នកទិញ។

សមត្ថកិច្ចបន្តទៀតថា លុះដល់ថ្ងៃទី ១៩ ខែកញ្ញា ឆ្នាំ ២០២៤ វេលាម៉ោង ១៩ និង ៣០ នាទីយប់ សមត្ថកិច្ចក៏ឃាត់ខ្លួនបានជនសង្ស័យម្នាក់ឈ្មោះ នឹម ណាន ភេទប្រុស អាយុ ២៥ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅសង្កាត់ទំនប់ទឹក ខណ្ឌចំការមន រួមជាមួយវត្ថុតាងម៉ូតូជនរងគ្រោះ ម៉ាកវ៉េវ ពណ៌ខ្មៅ ស្លាកលេខ ភ្នំពេញ ១BT-២៩១៤ បញ្ជូនមកទីស្នាក់ការប៉ុស្តិ៍ច្បារអំពៅ ១ សាកសួរ ដោយបច្ចុប្បន្នឃាត់ខ្លួននៅខណ្ឌ៕

អត្ថបទ ៖ សំណាង