រដ្ឋបាលខណ្ឌឬស្សីកែវ ប្រារព្ធពីធីអបអរសាទរទិវាអនាម័យបរិស្ថានជាតិ ក្រោមប្រធានបទ “ភូមិឋានស្អាត បរិស្ថានបៃតង សង្គមចីរភាព”

នៅព្រឹកថ្ងៃទី១២ ខែវិច្ឆិកា ឆ្នាំ២០២៤ រដ្ឋបាលខណ្ឌឬស្សីកែវ បានដឹកនាំមន្ត្រីរាជការ យុវជន ស.ស.យ.ក, សង្កាត់ទាំង៧ កងកំម្លាំងប្រដាប់អាវុធ ប្រជាការពារខណ្ឌ តំណាងមន្ទីរបរិស្ថានរាជធានីភ្នំពេញ កីឡាករអុំទូកសម្រែករាជសីហ៍ ដើម្បីប្រារព្ធពីធីអបអរសាទរទិវាអនាម័យបរិស្ថានជាតិ ក្រោមប្រធានបទ “ភូមិឋានស្អាត បរិស្ថានបៃតង សង្គមចីរភាព” ដែលបានធ្វើឡើងនៅសួនច្បារ និងច្រាំងទន្លេឬស្សីកែវ ក្បែរស្ពានអាកាសឬស្សីកែវ។

លោក ប្រាជ្ញ សីហា អភិបាលរងខណ្ឌ តំណាងលោក ជិន ប៊ុនធឿន អភិបាលនៃគណ:អភិបាលខណ្ឌឫស្សីកែវ បានអោយដឹងថា ការប្រារព្ធពីធីនេះក្នុងគោលបំណងលើកកម្ពស់ការអប់រំ ផ្សព្វផ្សាយ និងជំរុញចលនាពីប្រជាពលរដ្ឋ និងអ្នកពាក់ព័ន្ធទាំងអស់ ឱ្យចូលរួមធ្វើអនាម័យកែសម្អ សោភ័ណភាពទីក្រុង ទីប្រជុំជន ជនបទ វត្តអារាម សាលារៀន មន្ទីរពេទ្យ រោងចក្រ សហគ្រាស ទីផ្សារ មជ្ឈមណ្ឌលសេដ្ឋកិច្ច សំដៅរួមចំណែកកសាងសង្គមកម្ពុជាឱ្យមានបរិស្ថានល្អស្អាត និងភាពស្រស់បំព្រង៕

អត្ថបទ៖ សំណាង