អាជ្ញាធរសង្កាត់ដង្កោ ណែនាំពលរដ្ឋនៅផ្លូវ៥០​ម៉ែត្រ ទុកដាក់បោវច្រកអេតចាយឲ្យបានត្រឹមត្រូវចៀសវាងរំលោភចិញ្ចើមផ្លូវ

នៅព្រឹកថ្ងៃអង្គារ ទី២៤ ខែធ្នូ ឆ្នាំ២០២៤ លោក លត់ ឃីម ចៅសង្កាត់រងទី១ តំណាងលោកស្រី សឿង សេរី ចៅសង្កាត់ដង្កោ បានដឹកនាំកម្លាំងប្រជាការពារសង្កាត់ចុះល្បាត និងរៀបចំសណ្តាប់ធ្នាប់តាមបណ្ដោយផ្លូវ៥០ម៉ែត្រ ដើម្បីបរិស្ថាន អនាម័យ។

ក្នុងការចុះរៀបចំសណ្ដាប់ធ្នាប់នេះ​ អាជ្ញាធរបានណែនាំអប់រំឲ្យម្ចាស់ទីតាំងអេតចាយមួយចំនួននៅភូមិបាគូ​ ដែលរស់នៅតំបន់នេះត្រូវទុកដាក់សម្ភារៈ​ ក៏ដូចជាបាវច្រកអេតចាយឲ្យបានត្រឹមត្រូវ​ រក្សាចិញ្ចេីមផ្លូវ​ ចៀសវាងរំលោភយកចំណីផ្លូវមកប្រកបអាជីវកម្មផ្ទាល់ខ្លួន ងាយបង្កគ្រោះថ្នាក់ចរាចរណ៍​ និងប៉ះពាល់ដល់សណ្តាប់ធ្នាប់​ បរិស្ថាន​ គ្មានសោភ័ណភាព​។

បើតាមអាជ្ញាធរ ការចុះអប់រំណែនាំដល់ពលរដ្ឋនេះ​ មានពលរដ្ឋមួយចំនួនធំបានសហការយ៉ាងល្អ​ យល់ដឹងអំពីសណ្តាប់​ធ្នាប់​ក្នុងការទុកដាក់សម្ភារៈ​ ហេីយពលរដ្ឋមួយចំនួនតូចក៏មិនទាន់យល់ច្បាស់​ អាជ្ញាធរក៏បានអប់រំណែនាំបន្ថែមទៀត។

ជាមួយគ្នានឹងការចុះណែនាំនេះ អាជ្ញាធរក៏សំណូមពរដល់ប្រជាពលរដ្ឋទាំងអស់មេត្តាជួយថែរក្សា​ បរិស្ថាន​ សណ្តាប់ធ្នាប់​ ដេីម្បីសោភ័ណភាពទីក្រុងស្អាត​ និងសូមអរគុណដល់ពលរដ្ឋដែលបានសហការក្នុងការរៀបចំសណ្តាប់ធ្នាប់៕

អត្ថបទ៖ សុខា