ព្រះសង្ឃពីរវត្តសរុប៧១អង្គ ក្នុងមូលដ្ឋានសង្កាត់ចោមចៅទី៣ ទទួលបានការថតអត្តសញ្ញាណប័ណ្ណសញ្ជាតិខ្មែរដល់ក្នុងវត្ត

មន្ត្រីនគរបាលផែនអត្តសញ្ញាណប័ណ្ណ នៃប៉ុស្តិ៍រដ្ឋបាលនគរបាលចោមចៅទី៣ កាលពីថ្ងៃទី២៤​ ខែមិថុនា ឆ្នាំ២០២៥ បានចុះថតសញ្ញាណប័ណ្ណសញ្ជាតិខ្មែរ ប្រគេនដល់ព្រះសង្ឃនៅវត្តទួលសភាឃួន​ និងវត្តធម្មយុទ្ធ​ សរុប៧១អង្គ។

លោក​ ថេង​ កុសល​ នាយប៉ុស្តិ៍នគរបាលរដ្ឋបាលចោមចៅទី៣ បានឲ្យដឹងថា​ ការចុះថតអត្តសញ្ញាណប័ណ្ណជូនដល់ព្រះសង្ឃនេះ ធ្វើឡើងតាមការណែនាំពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក​ ម៉ន​ វុធី​ អធិការនគរបាលខណ្ឌពោធិ៍សែនជ័យ ចុះអនុវត្តថតអត្តសញ្ញាណ្ណប័ណ្ណសញ្ជាតិខ្មែរប្រគេនព្រះសង្ឃដែលគង់នៅតាមបណ្តាវត្តក្នុងមូលដ្ឋាន។

លោក​នាយប៉ុស្តិ៍បន្តថា​ ការថតអត្តសញ្ញាណប័ណ្ណប្រគេនប្រះសង្ឃបាន ព្រះសង្ឃត្រូវបញ្ជាក់ពីកន្លែងស្នាក់នៅអចិន្រ្តៃយ៍ជាមុនសិន និងមានសំបុត្រកំណើត និងត្រូវបានបញ្ជាក់រួចរាល់ត្រឹមត្រូវ ទើបមន្រ្តីអាចថតអត្តសញ្ញាណប័ណ្ឌសញ្ជាតិខ្មែរ ជូនដល់ព្រះអង្គបាន។

បើតាមលោកនាយប៉ុស្តិ៍​ ព្រះសង្ឃដែលទទួលបានការថតអត្តសញ្ញាប័ណ្ណគង់នៅវត្តទួលសុភាឃួន​ មានចំនួន៥០អង្គ និងវត្តធម្មយុទ្ធ​ មានចំនួន២១អង្គ​៕

អត្ថបទ៖ សុខា