កីឡា

ការប្រកួត ស្វាយរៀងខាប់ អាយុ១៥ឆ្នាំ លើកទី២ ចាប់ផ្តើមចុងសប្តាហ៍នេះ

បានផុស

៩ ខែ មុន

នៅ

ថ្ងៃពុធ ៨ តុលា ២០២៥

ដោយ

ការប្រកួតពានរង្វាន់ ស្វាយរៀង ខាប់ អាយុក្រោម១៥ឆ្នាំ លើកទី២ នឹងចាប់ផ្តើមនៅថ្ងៃសៅរ៍ ទី១១ ខែតុលា ឆ្នាំ ២០២៥ នៅវិទ្យាល័យ ហ៊ុន សែន ស្វាយរំពារ។

ក្រុមបាល់ទាត់ចំនួន ១៥ក្រុម មកពីបណ្តាស្រុក-ក្រុង ទាំង ៨ ទូទាំងខេត្តស្វាយរៀង បានចូលរួមប្រកួតប្រជែងក្នុងព្រឹត្តិការណ៍លើកទី២នេះ។ រូបមន្តនៃការប្រកួតគឺ បែងចែកជា ៤ ពូល ក្នុងនោះ ៣ ពូលមាន ៤ ក្រុម និង ១ ពូលមាន ៣ ក្រុម ដោយធ្វើការប្រកួតចំនួន២ជើង និងយកចំណាត់ថ្នាក់លេខ១ និងលេខ២ ក្នុងពូលនីមួយៗ ឡើងទៅវគ្គ ៨ក្រុមបន្តទៀត។

គូបើកឆាក វគ្គសន្សំ ក្នុងពិន្ទុសប្តាហ៍ទី១ នៅពូល «ក» ក្រុមយុវជន សសយក ស្រុកចន្ទ្រា ប្រកួតជាមួយ ក្រុមយុវជន CRS Sports វេលាម៉ោង ២:00 រសៀល ថ្ងៃសៅរ៍ ទី១១ ខែតុលា ឆ្នាំ ២០២៥ ហើយវេលាម៉ោង ៣:៣០នាទីរសៀល ក្រុមយុវជន គោព្រៃភូមិស្វាយធំ ប្រកួតជាមួយ ក្រុមយុវជន សសយក ស្រុកកំពង់រោទិ៍។

នៅថ្ងៃអាទិត្យ ទី១២ ខែតុលា ឆ្នាំ ២០២៥ ជាការប្រកួតនៅពូល «ខ» ក្រុមយុវជន Young Star ប្រកួតជាមួយ ក្រុមយុវជនសាមគ្គី វេលាម៉ោង៨:០០ព្រឹក ហើយវេលាម៉ោង ២:០០រសៀល ក្រុមយុវជន សសយក ស្រុកស្វាយទាប ប្រកួតជាមួយ ក្រុមយុវជនសាមគ្គី។

នៅវេលាម៉ោង ៣:៣០នាទីរសៀល ថ្ងៃអាទិត្យដដែល ក្រុមព្រះខ័នរាជស្វាយរៀងអាយុ ១៥ ឆ្នាំ ប្រកួតជាមួយ ក្រុមយុវជន សសយក សង្កាត់ស្វាយតឿ នៅក្នុងពូល «ឃ»។