កីឡា
វឿន វាសនា វ៉ាដាច់អ្នកលេខ ២ ជាង ១០០ ពិន្ទុ ឈរជាកីឡាកររកពិន្ទុច្រើនបំផុតក្នុងលីគបាល់ទះតៃវ៉ាន់
កីឡាករ កម្ពុជា វឿន វាសនា របស់ក្រុមបាល់ទះ Win Streak កំពុងឈរជាកីឡាកររកបានពិន្ទុច្រើនជាងគេបំផុតប្រចាំលីគបាល់ទះកំពូលតៃវ៉ាន់ (Taiwan Professional Volleyball League) នៅរដូវកាល ២០២៥-២០២៦ គិតត្រឹមសប្តាហ៍ទី ២១ ។
វឿន វាសនា កំពុងបង្ហាញសមត្ថភាពលេចធ្លោខ្លាំងគួរឱ្យកត់សម្គាល់នៅរដូវកាល ២០២៥-២០២៦ ពោលគឺល្អជាងរដូវកាលមុនៗទៅទៀត។ នៅរដូវកាលនេះ កូនខ្មែរអ្នកខេត្ត បាត់ដំបង បានជួយឱ្យក្រុម Win Streak ឈ្នះគ្រាប់ការប្រកួតទាំងអស់ពីការលេងចំនួន ២១ ប្រកួតកន្លងមក ហើយក្នុងការប្រកួតនីមួយៗ កីឡាករបានជាប់ឈ្មោះជាអ្នករកពិន្ទុឱ្យក្រុមច្រើនជាងគេសឹងតែគ្រប់ការប្រកួត។
បច្ចុប្បន្នអ្នកលេងតួនាទីស្មាត់ វ័យ ២៤ ឆ្នាំ កម្ពស់ ១.៩៦ ម៉ែត្រ កំពុងឈរលើគេក្នុងនាម ជាកីឡាកររកបានពិន្ទុច្រើនជាងគេបំផុតប្រចាំលីគបាល់ទះកំពូល តៃវ៉ាន់ ដោយរកបានពិន្ទុសរុបចំនួន ៤៣៥ ពិន្ទុ ពីការលេងចំនួន ២១ សប្តាហ៍។ កីឡាកររកបានពិន្ទុពីការវាយផ្តាច់សរុបចំនួន ៤១៦ ពិន្ទុ និងពិន្ទុពីការបាំងបាល់ជោគជ័យសរុបចំនួន ១៩ ពិន្ទុ។
ស្ថិតិនេះបានបង្ហាញ ថា វឿន វាសនា ពិតជាកំពុងល្អដាច់គេប្រចាំលីគបាល់ទះ តៃវ៉ាន់ នៅរដូវកាលនេះ ដោយបច្ចុប្បន្នពិន្ទុរបស់គេបានវ៉ាអ្នកឈរនៅតំណែងលេខ ២ កីឡាករ Ruike របស់ក្រុម Taiwan Steel Sky Eagle និងអ្នកលេខ ៣ កីឡាករ Liu Hongmin របស់ក្រុម Taoyuan Cloud Leopard រហូតដល់ទៅ ១២៨ ពិន្ទុឯណោះ ដោយអ្នកទាំង ២ រកបានពិន្ទុសរុបចំនួន ៣០៧ ពិន្ទុដូចគ្នា។
សូមបញ្ជាក់ថា វឿន វាសនា ឈានចូលរដូវកាលទី៣ហើយក្នុងការលេងឲ្យក្រុម Win Streak ដោយពីរដូវកាលកន្លងមកគឺឈ្នះជើងឯកលីគបាល់ទះកំពូលតៃវ៉ាន់ទាំងពីរលើក ហើយរដូវកាល ២០២៤-២៥ កន្លងទៅ រូបគេបានឈ្នះពានឯកត្តជន ៣ ម្នាក់ឯងគឺ ពានកីឡាករល្អបំផុតប្រចាំព្រឹត្តិការណ៍ ពានកីឡាកររកបានពិន្ទុច្រើនជាងគេបំផុត និងពានកីឡាករវាយផ្តាច់ស្តាំល្អបំផុត៕
អត្ថបទ៖ សេម កុសល
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២២ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង