អ្នកគាំទ្រថៃ ចោទ អាជ្ញាកណ្តាលលម្អៀង ទើប ក្រុម U22 ថៃ ចាញ់ វៀតណាម យប់មិញ

ជ័យជម្នះដ៏តានតឹងរបស់ក្រុមបាល់ទាត់ វៀតណាម អាយុក្រោម ២២ ឆ្នាំ លើក្រុមម្ចាស់ផ្ទះ ថៃ អាយុក្រោម ២២ ឆ្នាំក្នុងវគ្គផ្តាច់ព្រ័ត្រ កីឡាស៊ីហ្គេម លើកទី ៣៣ បាន​ធ្វើ​ឲ្យ​អ្នកគាំទ្រ ថៃ ជាច្រើនបាននាំគ្នាចោទប្រកាន់ អាជ្ញាកណ្ដាលមានភាពលំអៀងលើក្រុមភ្ញៀវ។

ក្រុម U22 វៀតណាម បានបង្កភាពភ្ញាក់ផ្អើលយ៉ាងខ្លាំង នៅក្នុងការប្រកួតវគ្គផ្តាច់ព្រ័ត្រដណ្តើមមេដាយមាស បន្ទាប់ពីយកឈ្នះក្រុម U22 ថៃ ដោយការវាយបកក្នុងលទ្ធផល ៣-២។ ជ័យជម្នះនេះបានធ្វើឲ្យពួកគេឈ្នះមេដាយមាសកីឡាបាល់ទាត់បុរសក្នុងកីឡា ស៊ីហ្គេម លើកទី ៣៣ ឆ្នាំ ២០២៥។

ទោះជាយ៉ាងណា ជ័យជម្នះរបស់ក្រុម ដែលដឹកនាំដោយគ្រូបង្វឹកលោក Kim Sang Sik បានជួបប្រទះនូវការរិះគន់យ៉ាងខ្លាំងពី​អ្នកគាំទ្រថៃ។ ពួកគេអះអាង ថា ក្រុមរបស់ពួកគេចាញ់ ដោយសារការកាត់ក្តីលំអៀង​របស់​លោកអាជ្ញាកណ្តាល។

ក្រោយបញ្ចប់ការប្រកួត មានអ្នកគាំទ្រ ថៃ មួយចំនួនបញ្ចេញមតិលើលោកអាជ្ញាកណ្តាល ថា៖

«អាជ្ញាកណ្តាលអន់ណាស់ ហើយមិនសម​ដឹកនាំការប្រកួតបានទេ»។

«អាជ្ញាកណ្ដាលទើបជាគន្លឹះសំខាន់ ហាហា។ ព្រោះបើថៃឈ្នះ វៀតណាមនឹងបន្តត្អូញត្អែរ និងតវ៉ាទៀត»៕

ប្រែសម្រួល៖ សេម កុសល
ប្រភព៖ The Thao