កីឡា

កីឡាករជម្រើសជាតិវាយសី វណ្ណធុន ការដែលអាចរស់នៅបានដោយខ្លួនឯងជាអ្វីដែលឪពុកម្ដាយសប្បាយចិត្តបំផុត

បានផុស

៦ ខែ មុន

នៅ

ថ្ងៃចន្ទ ១២ មករា ២០២៦

ដោយ

ម្ចាស់មេដាយមាស World Police នៅសហរដ្ឋអាមេរិក និងជាម្ចាស់មេដាយមាសស៊ីហ្គេម ២០២៣ កីឡាករ វ៉ាត់ វណ្ណធុន ថាកីឡាវាយសីនេះបានធ្វើឲ្យខ្លួនមានជំហររស់នៅដោយខ្លួនឯង ខណៈលោកឪពុកអ្នកម្ដាយសប្បាយចិត្តជាខ្លាំងឃើញកូនជោគជ័យ និងអាចរស់នៅដោយខ្លួនឯងបានមិនពឹងគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ វ៉ាត់ វណ្ណធុន

កីឡាករ វ៉ាត់ វណ្ណធុន បានឲ្យដឹងថា លោកឪពុកអ្នកម្ដាយគឺសប្បាយចិត្តខ្លាំងនៅពេលឃើញកូនតស៊ូហ្វឹកហាត់កីឡាវាយសីនេះរហូតទទួលបានជោគជ័យដូចពេលនេះ។ ពិសេសនោះគឺឃើញកូនអាចរស់នៅបានដោយខ្លួនឯងមិនពឹងពាក់លើគ្រួសារជាដើម។

កីឡាករ វ៉ាត់ វណ្ណធុន

កូនអ្នកខេត្តកំពង់ឆ្នាំរូបនេះបន្តទៀតថា កីឡាវាយសីនេះបានជួយខ្លួនបានច្រើនគឺទទួលបានក្របខ័ណ្ឌមន្ត្រីនគរបាលដោយរូបគេជាកីឡាកររបស់ក្រសួងមហាផ្ទៃ។ ក្រៅពីនេះរូបគេមានប្រាក់ចំណូលពីជម្រើសជាតិ និងការបង្ហាត់សិស្សតាមក្លឹបឯកជន។ លើសពីនេះទៅទៀតការទទួលបានកិត្តិយសចំពោះខ្លួនឯង ក្រុមគ្រួសារដែលមានមហាជនស្គាល់ និងដឹងពីសមត្ថភាពប្រកួតផងដែរ។

កីឡាករ វ៉ាត់ វណ្ណធុន

កីឡាករជើងខ្លាំងរូបនេះថាពិតជាសប្បាយចិត្ត ព្រោះការចាប់អាជីពកីឡាដែលខ្លួនស្រឡាញ់នេះទទួលបានជោគជ័យ និងផ្លែផ្កាដូចនេះ។ ប្រាក់ចំណូលពីជម្រើសជាតិ និងការបង្ហាត់សិស្សផ្សេងៗនេះអាចធ្វើឲ្យខ្លួនអាចរស់នៅដោយមិនបាច់ពឹងគ្រួសារដូចមុន។

កីឡាករ វ៉ាត់ វណ្ណធុន

បញ្ជាក់ដែរថា កីឡាករ កីឡាករ វ៉ាត់ វណ្ណធុន ជាកីឡាករដែលមានសមត្ថភាពលេចធ្លោមួយរូបក្នុងកីឡាវាយសីនេះ។ រូបគេបានហ្វឹកហាត់តាំងពីតូចរហូតអាចជាប់ជាកីឡាករថ្នាល និងបន្តជាប់ជាកីឡាករជម្រើសជាតិកម្ពុជា។ កូនអ្នកខេត្តកំពង់ឆ្នាំរូបនេះហ្វឹកហាត់កីឡាវាយសីបានជិត ១០ឆ្នាំមកហើយ។ រូបគេជាកីឡាករជម្រើសជាតិផ្នែកវាយសីកម្ពុជានៅឆ្នាំ២០២៥ និងជាគ្រូបង្ហាត់បែបសុខភាពនៅក្លឹប 3B Badminton ផងដែរ៕