កីឡា
ទើបប៉ះគ្នាក្តៅៗកាលពីថ្ងៃអាទិត្យ ពេលនេះ ភ្នំពេញក្រោន ប្រកាសលក់សំបុត្រ ប៉ះ ព្រះខ័នរាជស្វាយរៀង ទៀតហើយ
ជំនួបធំដ៏ទាក់ទាញក្នុងលីគបាល់ទាត់កំពូលកម្ពុជាកាលពីថ្ងៃអាទិត្យ ទី១៨ ខែមករា ឆ្នាំ ២០២៦ រវាង ម្ចាស់ផ្ទះ ភ្នំពេញក្រោន និង ព្រះខ័នរាជស្វាយរៀង ទាក់ទាញបានអ្នកទស្សនាផ្ទាល់ជាង ៥០០០ នាក់ នៅកីឡដ្ឋានភ្នំពេញក្រោន។
ក្រុមខ្លាំងទាំងពីរត្រូវប៉ះគ្នា ២ លើកទៀតក្នុងពានរង្វាន់អន្តរជាតិ AFC Challenge League វគ្គ ៨ ក្រុមចុងក្រោយ នាខែមីនា ខាងមុខ ប៉ុន្តែនៅពេលនេះ ភ្នំពេញក្រោន បានប្រកាសលក់សំបុត្រទស្សនាការប្រកួតជាមួយ ព្រះខ័នរាជស្វាយរៀង នៅពហុកីឡដ្ឋានជាតិអូឡាំពិក។
ជំនួបជើងទី១ នៅថ្ងៃទី៥ ខែមីនា ឆ្នាំ ២០២៥ ភ្នំពេញក្រោន បានប្រកាសលក់សំបុត្រ ២ ប្រភេទគឺ ប្រភេទ A តម្លៃ ២០ ០០០ រៀល នៅកន្លែងអង្គុយមានដំបូង និងប្រភេទ B តម្លៃ ១២ ០០០ រៀល នៅកន្លែងគ្មានដំបូល។ នេះជាតម្លៃពិសេស Early bird tickets ដែលចាប់ផ្តើមលក់ដំបូង ប៉ុន្តែនៅពេលជិតដល់ថ្ងៃប្រកួតប្រហែលជាអាចប្រែប្រួលឡើងតម្លៃ។
សម្រាប់ការប្រកួតជើងទី២ នៅថ្ងៃទី១២ ខែមីនា ឆ្នាំ ២០២៦ ព្រះខ័នរាជស្វាយរៀង នឹងធ្វើនៅពហុកីឡដ្ឋានជាតិមរតកតេជោ។
សូមបញ្ជាក់ថា រវាង ភ្នំពេញក្រោន និង ព្រះខ័នរាជស្វាយរៀង នឹងមានមួយក្រុមឡើងទៅកាន់វគ្គពាក់កណ្តាលផ្តាច់ព្រ័ត្រប្រចាំតំបន់អាស៊ីខាងកើត ដែលអាចជួបក្រុម Manila Digger របស់ប្រទេសហ្វីលីពីន ឬ ក្រុម Dewa United របស់ឥណ្ឌូណេស៊ី ដើម្បីរក ១ ក្រុមឡើងទៅវគ្គផ្តាច់ព្រ័ត្រ ជួបក្រុមនៅតំបន់អាស៊ីខាងលិច៕
អត្ថបទ៖ វិរបុត្រ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoអាមេរិក រឹបយកកប៉ាល់ដឹកទំនិញអ៊ីរ៉ង់ នៅឈូងសមុទ្រអូម៉ង់ ខណៈទីក្រុងតេហេរ៉ង់ គំរាមសងសឹក