កីឡា

ឡើងកម្ពៅបន្តិចហើយខាង គួន ម៉ុម របស់វិសាខា ចង់ប៉ះសិស្សច្បង សួន ចាន់ណារ៉ូ របស់ស្វាយរៀងនៅវគ្គ ៨ក្រុមបណ្ដោយទៅ

បានផុស

៥ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

ពានរង្វាន់បាល់ទះសម្ដេច ក្រឡាហោម លើកទី៤ នេះចាប់ផ្ដើមឡើងកម្ពៅបន្តិចហើយបន្ទាប់ពីកីឡាករ គួន ម៉ុម បាននិយាយក្នុងវីដេអូមួយក្នុងន័យលេងសើចដាក់ទៅកាន់រៀមច្បង សួន ចាន់ណារ៉ូ ថាចង់ឲ្យក្រុមទាំងពីរវាង វិសាខា និង ស្នងការ ន.ប ស្វាយរៀង ប៉ះគ្នាឲ្យហើយនៅវគ្គ ៨ក្រុមបណ្ដោយទៅអត់ខ្លាចទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ណារ៉ូ និង គួន ម៉ុម កន្លងទៅ

លើកឡើងក្នុងវីដេអូសម្ភាសមួយកីឡាករ គួន ម៉ុម ឆ្លើយបែបលេងសើចរំលឹកទៅកាន់រៀមច្បង សួន ចាន់ណារ៉ូ ថាលែងជាគ្នាឯងហើយ ព្រោះនៅក្រុមផ្សេងគ្នាពិសេសកំពុងលេងពានដូចគ្នានៅពេលនេះទៀត។ រូបគេបន្ថែមទៀតថាដៃប៉ះសេថ្មីជនជាតិហ្វីលីពីននេះសមត្ថភាពល្អជាង ណារ៉ូ ទៀតផង។ រូបគេក៏ឆ្លើយទៀតថាមិនខ្លាចរៀមច្បងទេ និងចង់ប៉ះក្រុមស្នងការខេត្ត ន.ប ខេត្តស្វាយរៀងនៅវគ្គ ៨ក្រុមចុងក្រោយពានរង្វាន់សម្ដេច លើកទី៤ នេះ។

កីឡាករ គួន ម៉ុម

បន្ទាប់ពីឃើញការលើកឡើងរបស់ គួន ម៉ុម រួចមកកីឡាករចាស់វស្សា សួន ចាន់ណារ៉ូ ក៏មិនចាំយូរដែរឆ្លើយតបភ្លាមៗវិញថា «មិនចាំបាច់អាយដលមុំ ទេខ្ញុំសួនចាន់ណារ៉ូក៏ចង់លេងដែរ»។ ដូច្នេះហើយតាមរយៈការឌឺដងដាក់គ្នានេះក្នុងមជ្ឈដ្ឋានបាល់ទះមានការចាប់អារម្មណ៍ខ្លាំងមិនថាអ្នកគាំទ្រទេ សូម្បីកីឡាករខ្លួនឯងតាមក្លឹបក៏ចង់ប៉ះគ្នាភ្លាមៗដែរដើម្បីចង់ដឹងក្រុមណាខ្លាំងជាង ក្រុមណាបានឡើងទៅជុំបន្ទាប់ប្រសិនបើប៉ះគ្នានោះ។

កីឡាករ សួន ចាន់ណារ៉ូ

បញ្ជាក់ដែរថា សហព័ន្ធកីឡាបាល់ទះឥលូវនេះកំពុងតែដំណើរប្រកួតពានរង្វាន់សម្ដេច ក្រឡាហោម លើកទី៤ ដោយជិតបញ្ចប់វគ្គសន្សំពិន្ទុក្នុងពូលហើយដែរ។ ក្រុមវិសាខារបស់ គួន ម៉ុម ស្ថិតនៅក្នុងពូល H និងបានឡើងទៅជុំទី២ ហើយក្រោយឈ្នះ ២ប្រកួតជាប់គ្នា។ ចំណែកក្រុមស្នងការ ន.ប ខេត្តស្វាយរៀង របស់ សួន ចាន់ណារ៉ូ គឺសិ្ថតនៅពូល F ក៏បានឡើងទៅជុំទី២ ផងដែរក្រោយឈ្នះ ២ប្រកួតជាប់គ្នា។ ចាំមើលតើក្រុមទាំង ២អាចនឹងជួបគ្នានៅជុំទីប៉ុន្មាននៃពានរង្វាន់សម្ដេច ក្រឡាហោម លើកទី៤ នេះ៕