កីឡា

ក្លិបបាល់ទាត់ម៉ាឡេស៊ី មួយដាក់ដំណើរចង់យក Keisuke Honda មកចូលរួមក្រុមខ្លួន

បានផុស

៥ years មុន

នៅ

ថ្ងៃសុក្រ ៣០ មេសា ២០២១

ដោយ

អតីតសមាជិកដាវសាម៉ូរ៉ៃខៀវជប៉ុន និងជាអ្នកចាត់ការទូទៅក្រុមជម្រើសជាតិកម្ពុជា Keisuke Honda កំពុងតែប្រកបអាជីពនៅក្លិប Neftci PFKសមាជិកលីគប្រទេសអាហ្សេបៃហ្សង់ Azerbaijan Premier League ស្របពេលកិច្ចសន្យារបស់លោកនឹងផុតកំណត់នៅពាក់កណ្ដាលខែឧសភា ខាងមុខនេះ។ ទន្ទឹមនឹងគ្នានេះដែរមានដំណឹងជាច្រើនទាំងនៅក្នុងប្រទេសម៉ាឡេស៊ី និងប្រទេសអាហ្សេបៃហ្សង់ ថាក្លិបបាល់ទាត់ Selangor FC បានចាប់អារម្មណ៍នាំយកម្ចាស់អាវលេខ៤ ចួលរួមក្រុមដើម្បីប្រកួតក្នុងជើងទី២ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Semuanyabola របស់ម៉ាឡេស៊ី សារព័ត៌មានជប៉ុន Tokyo-sports និងសារព័ត៌មាន sportsinfo របស់អាហ្សេបៃហ្សង់ បានលើកឡើងពីការស្នើសុំរបស់លោកMahfizul Rusydin Abdul Rashid អ្នកចាត់ការទូទៅក្រុម Selangor FC ដែលជាសមាជិកពានរង្វាន់ Malaysia Super League ទៅកាន់ Honda។ សារព័ត៌មានទាំងអស់នោះបានបង្ហាញការភ្ញាក់ផ្អើលដូចគ្នា ព្រមទាំងចាត់ទុកថានេះជាការដាក់ពាក្យស្នើសុំ«ដែលមិនបានគិតដល់»។

ខ្សែបម្រើវ័យ៣៤ឆ្នាំរូបនេះ បង្ហាញខ្លួនបាន៤ប្រកួត ហើយនៅក្នុងជាមួយក្រុម Neftci PFK ស្របពេលលោកបានចុះកិច្ចសន្យាពីខែមីនា កន្លងទៅ ក្នុងរយៈពេល២ខែប៉ុណ្ណោះ បើតាមការគ្រោងទុកកិច្ចសន្យានឹងផុតកំណត់នៅពាក់កណ្តាលខែឧសភា។ បង្ហាញខ្លួន៤ប្រកួតកន្លងទៅនៅប្រទេសអាហ្សេបៃហ្សង់ Honda រងពិន័យកាតលឿង៣លើកផងដែរ។

នៅមិនទាន់មានសេចក្តីរាយការណ៍ច្បាស់លាស់ណាមួយពីចម្លើយរបស់ Honda ទៅកាន់ក្លិប Selangor នៅឡើយនោះទេ។ ក្លិបដែលមានមូលដ្ឋានទីក្រុង Shah Alam រដ្ឋSelangor ប្រទេសម៉ាឡេស៊ី មួយនេះបានដាក់ផែនការចង់បាន Honda ព្រោះត្រូវប្រជែងយកកៅអីណាមួយក្នុងពានរង្វាន់កម្រិតទ្វីបអាស៊ី AFC Champion League ឬ ពានរង្វាន់ AFC Cup នាពេលខាងមុខ។

លីគកំពូលប្រទេសម៉ាឡេស៊ី ធ្វើដំណើរបាន១០ សប្ដាហ៍ហើយ ដោយក្លិប Selangor FC ឈរនៅចំណាត់ថ្នាក់លេខរៀងទី៥ មាន១៥ពិន្ទុ តាមពីក្រោយក្លិប Penangលេខ៤ មាន១៩ពិន្ទុ , ក្លិបKedah Darul Aman F.C លេខ៣ មាន២០ពិន្ទុ, ក្លិប Terengganu លេខ២ មាន២១ពិន្ទុ និង Johor Darul Ta’zim ដែលជាជើងឯកឆ្នាំចាស់និងឈរកំពូលតារាងមាន២៣ពិន្ទុ។ ក្រុមនេះធ្លាប់ឈ្នះពានជើងឯកលីគម៉ាឡេស៊ី ៦លើក និងធ្លាប់ឈ្នះពាន Malaysia Cup ៣៣លើកផងដែរ។

ក្លិប Selangor បច្ចុប្បន្នមានកីឡាករបរទេសល្អៗមួយចំនួនក្រោមការដឹកនាំពីសំណាក់គ្រូបង្វឹកជនជាតិអាល្លឺម៉ង់ Karsten Neitzel។ កីឡាករអាល្លឺម៉ង់ Tim Heubach កីឡាករManuel Konrad ធ្លាប់លេងនៅលីគអាល្លឺម៉ង់ និងអ៊ីស្រាអែល អតីតកីឡាករជម្រើសជាតិស្វីស Oliver BuffB ធ្លាប់លេងនៅលីកកំពូលស្វីស កីឡាករបារ៉ែន ចូលសញ្ជាតិម៉ាឡេស៊ី Ifedayo Olusegun និងកីឡាករជម្រើសជាតិសិង្ហបុរី Safuwan Baharudin.ជាដើម៕

អត្ថបទ៖ ម៉េង ហួរ

សូមចុចអាន៖ គ្រូបង្វឹកក្រុមបឹងកេត បង្ហាញឆន្ទៈទៅប្រកួតពានទ្វីបអាស៊ី AFC Cup 2021