ព័ត៌មានជាតិ

ទទួលប្រាក់ឧបត្ថម្ភមួយឆ្នាំ ១០ម៉ឺនដុល្លារ ជើងខ្លាំងស្នូកឃ័រដើមកំណើតខ្មែរម្នាក់ ចង់ដកថវិកាខ្លះមកជួយស្រុកកំណើត

បានផុស

៣ years មុន

នៅ

ថ្ងៃពុធ ៩ ធ្នូ ២០២០

ដោយ

ក្រោយបានការឧបត្ថម្ភថវិកា ១០ ម៉ឺនដុល្លាក្នុងមួយឆ្នាំពីធនាគារកូរ៉េមួយ កីឡាការិនីខ្មែរផ្នែកស្នូកឃ័រដ៏ល្បីនៅស្រុកកូរ៉េ ស្រួង ភាវី នឹងដកថវិកាខ្លះដើម្បីមកជួយអ្នកខ្វះខាតនៅក្នុងប្រទេសកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនីស្រួង ភាវី ម្ចាស់មេដាយសំរឹទ្ធពិភពលោកឆ្នាំ២០១៨ ដែលកំពុងរស់នៅស្រុកកូរ៉េជាមួយស្វាមីបានឲ្យដឹងថា ថវិកាបានពីការឧបត្ថម្ភប្រចាំឆ្នាំ ១០ ម៉ឺនដុល្លារនេះ លោកស្រីនឹងបែងចែកខ្លះយកមកជួយដល់អ្នកក្រីក្រក្នុងប្រទេសកម្ពុជា និងសិស្សដែលសិក្សានៅតាមតំបន់ដាច់ស្រយាល។

កីឡាការិនីមានដើមកំណើតនៅខេត្តត្បូងឃ្មុំ រស់នៅស្រុកកូរ៉េជាង ១០ ឆ្នាំ សាងកេរ្តិ៍ឈ្មោះល្បីផ្នែកស្នូកឃ័របានឲ្យដឹងបន្ថែមថា លោកស្រីចង់ប្រើប្រាស់ថវិកាបានពីការឧបត្ថម្ភនេះជាប្រយោជន៍ និងជួយប្រទេសកំណើតវិញ។

កីឡាការិនី ស្រួង ភាវី បានទៅរស់នៅសាធារណរដ្ឋកូរ៉េកាលពីឆ្នាំ២០១០ ក្រោយរៀបអាពាហ៍ពិពាហ៍ជាមួយស្វាមីជាជនជាតិកូរ៉េ។ ក្រោយបានទៅនៅកូរ៉េតាមស្វាមី លោកស្រីបានចាប់ផ្ដើមហាត់ និងលេងកីឡាស្នូកឃ័រ និងបានចូលរួមការប្រកួតរហូតឈ្នះមេដាយមាសថ្នាក់ជាតិនៅកូរ៉េ និងមេដាយសំរិទ្ធកម្រិតពិភពលោក៕