កីឡា
ស្មៅកីឡដ្ឋានប្រកួតផ្ដាច់ព្រ័ត្រ UCL ទើបក្រាលហើយថ្មីៗ ខណៈគ្រូ Liverpool កំពុងមានកង្វល់
ការព្រួយបារម្ភបានលើកឡើងជុំវិញស្មៅនៃទីលានប្រកួតវគ្គផ្តាច់ព្រ័ត្រនៃក្របខ័ណ្ឌ Champions League រវាង Liverpool ជាមួយ Real Madrid ខណៈដែលវាលស្មៅទើបតែត្រូវបានបញ្ចប់ការក្រាលថ្មី ត្រឹមម៉ោង ១ទាបភ្លឺថ្ងៃព្រហស្បត្តិ៍កន្លងទៅ ដោយសារតែការរុះរើយ៉ាងឆាប់រហ័សពីវេទិកាឆាកប្រគុំតន្ត្រី ដើម្បីមករៀបចំជាវេទិការប្រកួតបាល់ទាត់វិញ។
ការផ្លាស់ប្ដូរទីលាននៅនាទីចុងក្រោយសម្រាប់ការប្រកួតវគ្គផ្ដាច់ព្រ័ត្រ Champions League បាននាំឱ្យមានការព្រួយបារម្ភកាន់តែខ្លាំងឡើងលើស្ថានភាពទីលាន។ កាលពីខែកុម្ភៈ សហព័ន្ធកីឡាបាល់ទាត់ទ្វីបអ៊ឺរ៉ុប (UEFA) បានបញ្ជាក់ថាការប្រកួតវគ្គផ្តាច់ព្រ័ត្រឆ្នាំ ២០២១-២២ ដែលគ្រោងនឹងធ្វើនៅទីក្រុង St Petersburg របស់រុស្សី ត្រូវបានផ្លាស់ប្ដូរទៅកាន់ទីក្រុងប៉ារីស ប្រទេសបារាំងវិញ ដោយសារសង្រ្គាមដែលកំពុងបន្តរវាងរុស្ស៊ី និងអ៊ុយក្រែន។
ជាលទ្ធផល វាបានធ្វើឱ្យអ្នករៀបចំការប្រកួត ប្រញាប់ប្រញាល់រៀបចំកីឡដ្ឋាន Stade de France ក្នុងទីក្រុងប៉ារីស ដើម្បីត្រៀមខ្លួនធ្វើជាម្ចាស់ផ្ទះការប្រកួតវគ្គផ្តាច់ព្រ័ត្រនៅថ្ងៃសៅរ៍នេះ។
កីឡដ្ឋាន Stade de France បាននឹងកំពុងរៀបចំសងវិញនូវព្រឹត្តិការណ៍នានាដែលត្រូវបានលើក ដោយសារតែជំងឺរាតត្បាតកូវីដ-១៩។ ដោយនៅត្រឹមយប់ថ្ងៃសៅរ៍ កីឡដ្ឋានទើបតែបញ្ចប់ការប្រគុំតន្រ្តីមួយ។ បន្ទាប់មក ផែនការគឺផ្តោតលើការរៀបចំទីលានបាល់ទាត់ឱ្យទាន់ពេលសម្រាប់ការប្រកួត Nations League របស់បារាំងជាមួយដាណឺម៉ាក នៅថ្ងៃទី០៣ ខែមិថុនា។
ប្រការទាំងនេះហើយបានធ្វើឱ្យគ្រូបង្វឹកក្រុមហង្សក្រហម Liverpool លោក Jurgen Klopp សម្ដែងក្ដីព្រួយបារម្ភចំពោះទីលាន ដែលអាចនាំឱ្យមានបញ្ហាដល់ការប្រកួត។ «ប្រាកដណាស់ ប្រសិនបើអ្នកឈ្នះ អ្នកមិនខ្វល់ពីទីលាននោះទេ វាងាយស្រួលនិយាយ។ មិនដឹងថាអាក្រក់ ឬល្អនោះទេ គ្រាន់តែឃើញប៉ុណ្ណោះ។ ប្រហែលជាល្អឥតខ្ចោះ ប៉ុន្តែវាមើលទៅមិនល្អឥតខ្ចោះ។» សម្ដីរបស់លោក Klopp។
Liverpool នឹងត្រូវប៉ះជាមួយ Real Madrid ក្នុងប្រកួត Champions League វគ្គផ្ដាច់ព្រ័ត្រនៅថ្ងៃអាទិត្យ ទី២៩ ខែឧសភា ឆ្នាំ២០២២ ម៉ោង ២:០០ ទៀបភ្លឺ (ម៉ោងកម្ពុជា)៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង